Русский  >>  فارسی  >>  Якшанбе 4 декабр 2016, 19:17

"Телевизионҳо ба минбари тарғиби фаҳшу фуҷур табдил ёфтаанд"

25 сентябр 2013, 21:31

Се созмони журналистии Тоҷикистон рӯзи 25-уми сентябр бо пахши як изҳорот барномаҳои охири шабакаҳои давлатии телевизионӣ, аз ҷумла “Баҳористон”-ро дур аз меъёрҳои касбии журналистӣ хонда, аз раҳбарияти кишвар талаб кардаанд, ба ин масъала баҳои ҳуқуқӣ диҳад.

Анҷумани миллии расонаҳои мустақили Тоҷикистон (НАНСМИТ), Шӯрои васоити ахбори омма ва Медиа-Алянс мегӯянд, вақтҳои охир шабакаҳои давлатии телевизиони Тоҷикистон, бахусус шабакаи кӯдаконаи «Баҳористон» ба намоиши барномаҳое иқдом кардаанд, ки обрӯ, шаъну эътибор ва иффату фарҳанги миллӣ ва имиҷи Тоҷикистонро дар назари шаҳрвандони кишварҳои дунё поин бурдааст.

Ба гуфтаи ин се созмони журналистии Тоҷикистон, кормандони эҷодии шабакаҳои давлатии телевизиони кишвар «оинаи нилгун»-ро ба як минбари ташвиқу тарғиби фаҳшу фуҷур табдил додаанд: “Меъёрҳои ахлоқии фаъолияти журналистӣ дар Тоҷикистонро низ сарфи назар намудаанд.” Дар ин изҳороти созмонҳои мазкур омадааст, намоиш додани филми “Пойбанди нафрат” аз тариқи шабакаи телевизионии “Баҳористон”, шабакае, ки ба кӯдакон бахшида шудааст, аз ғайрикасбӣ ва қонуннописандии дастандаркорони шабакаҳои давлатии телевизиони Тоҷикистон гувоҳӣ медиҳад.

Созмонҳои журналистии Тоҷикистон мегӯянд, қазияи дар филми мазкур ба навор гиифташуда дар ҷомеаи тоҷик ҳамеша маҳкум шудаасту хоҳад шуд: “Вале шабакаҳои давлатии Телевизион, аз ҷумла «Баҳористон», бо намоиш додани чунин барнома меъёри конститутсионии дахлнопазирии ҳаёт, қадр, номус ва дигар ҳуқуҳои фитрии инсон, ҳаққи қонунии кӯдакон ва наврасон оид ба дахлнопазирии ҳаёти шахсӣ, маҳрамона будани асрори ҳаёти кӯдакон ва амсоли онҳоро дағалона поймол намуданд.”

Журналистҳои тоҷик афзудаанд, намоиш додани чунин барномаҳо дар арафаи маъракаи интихоботи президентӣ, мақсади муайяни сиёсӣ дошта, бар зидди рақибони сиёсӣ равона шудааст: “Дар ин росто, баҳри расидан ба ҳадаф, ба бозиҳои сиёсӣ кашидан ва ё истифода бурдани кӯдакону наврасон тангназарӣ ва камоли ноҷавонмардист. Ин дар ҳам ҳолест, ки Эмомалӣ Раҳмон, раисиҷумҳури Тоҷикистон дар ҷаласаи идонаи бахшида ба 22-юмин солгарди истиқлоли кишвар аз ҳамаи он довталабони эҳтимолие, ки номзадии худро гузоштанианд, даъват намуд, то “фарҳанги волои сиёсиро риоя карда, ин маъракаи муҳимро ба майдони моҷароҷӯӣ ва ҳангоматалабӣ табдил надиҳанд.”

Маврид ба зикр аст, ки Шабакаи аввали телевизиони Тоҷикистон шоми 20-уми сентябр филми вижаи “Пойбанди нафрат”-ро намоиш дод, ки дар бораи куштори Қиёмиддин Абдусаломови 8-сола аз сӯи Сомон Муҳаббатови 20-сола ҳикоят мекунад. Ин ҳодиса моҳи июли соли ҷорӣ дар ноҳияи Тоҷикободи минтақаи Рашт иттифоқ уфтода, гумонбар ин навраси 8-соларо баъд аз задани 10-12 кордча ба пушташ, ба номуси ӯ дастдарозӣ мекунад. Дар ин филм асосан Сомон Муҳаббатов дар бораи чигуна ба қатл расондани Абдусалом ва таҷовуз шуданаш аз сӯи баъзе “мударрисон” қисса мекард. Вай дар ин навори видеоӣ худро донишҷӯи курси сеюми факултаи забонҳои Осиё ва Аврупои Донишгоҳи миллии Тоҷикистон ва узви Ҳизби наҳзати исломӣ муаррифӣ намуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Инсон

  • 25 сентябр 2013 22:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хайрият якчанд одами зинда будааст дар кишвари бесохиби мо!
Посух додан
  • shahnoz

  • 26 сентябр 2013 06:58
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
овозаву бардуругихои сохтакорон то ба кай? одами солим ба чунин киссаву овозахо бовар карданаш гаири имкон.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом. Рости намоиши охири "Пойбанди нафрат" ва суханхои Сомон набояд ба омма расонида мешуд. Шармам омад, наход инсон ба ин хад бешарми рох дихад!? Фарзандон, зану модари Рохбарон ва кормандони ТВ-хои Точикистон оё ин филмро диданд, наход то ин дарача бехаё шуда бошем БА ХУДО ШАРМАМ ОМАД АЗ ИН РАФТОРИ ШУМО МАСЪУЛИН, ЭЙ ХУДО НАЧОТ ДЕХ МОРО АЗ ИН ВАРТАИ БЕШАРАФИ, БЕХАЁИ ВА МАНСАБХОХИ КИ БА ИН ХАД КОРХОИ ПАСТ РОХ ДОДЕМ. Фаромуш набояд кард хар амали мо назора мешавад ва хар яки мо посухгуи амали худ назди Худованд хастем. Ман хамчун як инсон, як точик ва як мусалмон ИН НАМОИШ ВА БА ИН МОНАНД БАРНОМАХОРО ДАР ТВ МАХКУМ МЕКУНАМ ВА ТАКОЗО АЗ МАСЪУЛИН МЕКУНАМ ТО ДИГАР БА ИН БЕХАЁ РОХ НАДИХАНД. Бо у меди тавфик!
Посух додан
  • Бинанда

  • 26 сентябр 2013 08:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бояд раиси Садо ва симо истеъфо дихад, наход барои ракобати сиёси шуда миллатро тахкир кунанд. Бечорахо дар остонаи интихобот аз тарс дигар намедонанд чи кор кунанд. Касрхову мошинхои чипу лексусашонро аз даст додан намехоханд, . Бечорахо агар аз мансаб раванд охиста охиста бояд хамаи ин чавохироти худро фурушанду худро аз чанги мардум начот диханд.
Посух додан
  • Хамту

  • 26 сентябр 2013 09:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар аввал одобу рафтори хешро хар кас бояд донаду аз беодоб будани хеш наранчад. Сипас хамаи Шумо кормандони ба кавле ВАО хастед оиннаи давлат, миллат, кавм, начот ва гайрахо. ВА ба кавли худатон инъикос кунандаи пешрави хастед, на камбудии якдигарар ва аз чониби дигар мардум худ медонанд, ки ки чи мегуяд ё намоиш медихад, чи таблиг мекунад,чи дуруг мегуяд, чи вохима мекунад ва гайрахо.
Посух додан
  • тoчик

  • 26 сентябр 2013 12:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин филм заъфи фарханги ва сиесй р0 ни шон медихаду халос.фикр мекунам гунахкор будан е набуданро суд бояд муаян кунад на як навор.
Посух додан
  • Рустам

  • 26 сентябр 2013 13:26
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мардум, ман шуморо намефахмам. Чи магар ба хамин дарача чохил шудаед, ки хатто кирдори дахшатнок, чинояти вазнин ва бо чунин вахшоният кушта шудани як кудаки ноболигро бофтаю сохта мепиндоред. Пойдевори нахустини ин чинояти мудхиш дар кучо гузошта шуд? Дар мадраса. Аз он ки чашмони Сомон сарду бенуранд, у гунахгор нест. Гунахгор ана хамон муллое аст, ки уро бори аввал дар тагхона тачовуз карда буд. Ба ин чи мегуед? Рост, дар ТВ Бахористон бояд ин филмро нишон намедоданд. Аммо худи чиноят хаст, шахси чиноятро содирнамуда аз кардааш пушаймон дар махбас аст. Шумо бошед, харзагуи мекунеду аз "аз пашша фил месозед". Сомонро сафед кардан нишони аблахи аст!!!!!! Руху арвохи Киёмидин чунин ашхосро намебахшад.
Посух додан
  • в

  • 3 октябр 2013 11:01
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рустам

Гапро ба дигар чой набар. Хеч кас шубха надорад, ки Сомон ин амалро кардааст. Лекин суханхои у дар бораи аз тарафи муддарисон тачовуз шуданаш ва аъзои ХНИТ буданаш дар зери фишор гуфта шудаанд. Инхо гапхои дуругу тухмат хастанд ва уро мачбур кардаанд ки ин суханонро гуяд. Ба фикрам ту кудак нести ки сиехро аз сафед фарк накуни. Агар ту бефахм боши, дигар мардум хама мефахмад, ки гап дар кучост. Инро ракобати носолими сиеси ва бефархангии сиеси меноманд.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!