Русский  >>  فارسی  >>  Сешанбе 6 декабр 2016, 17:11

Агентӣ: Як кило ҳероини тамғаи «999» дар Душанбе 4.500$ арзиш дорад

27 июл 2011, 11:22

Як кило ҳероини сифаташ баланд дар Душанбе тақрибан 4,5 ҳазор доллари амрикоӣ арзиш дорад.


Саид Неъмонов, сардори раёсати фаврӣ-ҷустуҷӯии агентии назорат аз болои маводи нашъаовар мегӯяд, ба ҳисоби тахминӣ як кило ҳероини сифаташ пасттар дар пойтахти кишвар аз 3 ҳазору 200 то 3 ҳазору 500   доллар хариду фурӯш мешавад. Нархи як кило афюн дар бозори сиёҳи Тоҷикистон 450-500 доллар, ҳашиш 300-350, гурӯҳҳои бангдона то 200 долларро ташкил медодааст.
Дар вилояти Суғд нашъаҷаллобон барои як кило ҳероини сифаташ баланд аз 4 ҳазору 800 то 5 ҳазор доллар талаб мекардаанд. Сифати пасти ин навъи нашъаи сахттаъсир аз 3,5 то 4 ҳазор доллар арзиш доштааст. Як кило афюн 550-600, ҳашиш 400 доллар ва бангдона 250 доллар. Дар ҷануби кишвар бошад, нархи маводи мухаддир нисбатан арзонтар унвон мешавад. Ба иттилои Саид Неъмонов як кило ҳероини сифати баланд дар қаламрави вилояти Хатлон 4 ҳазор доллар, ҳероини сифаташ паст аз 3 ҳазор то 3 ҳазору 200 доллар, афюн 400, ҳашиш 250-300, бангдона 180-200  доллари амрикоӣ арзиш доштаанд. Вилояти мухтори кӯҳистони Бадахшон як кило ҳероини навъи баланд 4 ҳазор доллар, сифати пасттари он 3 ҳазор доллар, афюн 400, ҳашиш 250, бангдона 150-200 доллар будааст.         {jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!