Русский  >>  فارسی  >>  Душанбе 5 декабр 2016, 19:38

Сафири Тоҷикистон ба Чин барқи тозаю арзон пешниҳод кард

26 сентябр 2013, 09:16

Рашид Олимов, сафири Тоҷикистон дар Чин, зимни як конфронс дар мавзӯи ҳамкории Чин бо кишварҳои хориҷ дар умури энергетика, ки бо ҳузури коршиносону тоҷирони аршад оғоз ёфтааст, имкониятҳои Тоҷикистонро муаррифӣ намудааст.

Тавре расонаи маъруфи Чин, “Женмин жибао” рӯзи 25-уми сентябр хабар медиҳад, суханронии Рашид Олимов дар ин конфронс таваҷҷуҳи нисбатан зиёдро ба худ ҷалб кардааст. Олимов зарфияти энергетикии дарёҳои хурд, миёна ва калони Тоҷикистонро барои ҳозирин муаррифӣ карда, таъкид намудааст, ки бунёди нерӯгоҳҳо дар ин дарёҳо таъсире ба таъминоти об дар ҳавзаи баҳри Арал нахоҳад дошт. Аз ҷумла сафири тоҷик таъкид намудааст, ки дар Тоҷикистон ҳудуди 2,5 ҳазор дарё ва дарёча ва зиёда аз 1000 кӯл ҷойгир буда, дар сурати ҳамкории самараноки байналмилалӣ то соли 2020 иқтидори содиротии Тоҷикистон метавонад ба 30 миллиард кВт/соат барқ расад. Ба гуфтаи Олимов рушди гидроэнергетикаи Тоҷикистон барои муҳайё кардани ҷойҳои нави корӣ ва рушди иқтисоди сабз мусоидат хоҳад кард.

Сафири Тоҷикистон бо зикри имкониятҳои бузург дар ҳузури коршиносону тоҷирони аршади Чин эҳтимоли бунёди хатти интиқоли барқ миёни Тоҷикистону Чинро ба миён гузоштааст. Ӯ ҳавасмандии Тоҷикистонро барои ҳамкории бештар бо Чин дар истифодаи захираҳои энергетикӣ баён дошта, афзудааст, ки махсусан дар пасманзари рушди ноҳияи Шинҷон ин ҳамкорӣ ба фоидаи тарафайн хоҳад буд: “Нерӯи аз нигоҳи экологӣ тоза ва арзони дарёҳои Тоҷикистон метавонад барои рушди минтақаҳои ғарбии Чин саҳми назаррас гузорад.”

Бо зикри лоиҳаҳои мавҷудаи Чину Тоҷикистон Рашид Олимов даъват намудааст, ки ҳамкорию сармоягузориҳо ба энергетикаи Тоҷикистон афзоиш ёбад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аввалан худмона таъмин мекардед чаноби сафир...Худкушу бегонапарварем мо.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!