Русский  >>  فارسی  >>  Чоршанбе 7 декабр 2016, 13:32

Шайх Абдулҳай: Манъ кардани Қуръон ҷиноят аст

26 сентябр 2013, 09:32

Шайх Абдулҳай, обиди куҳансолтарини масҷиди ҷомеи Маскав манъи нашри Қуръони Карим дар тарҷумаи Элмир Қулиевро маҳкум кардааст.

Ӯ дар суҳбат ба хабаргузории "IslamNews" ин қарори додгоҳи ноҳияи Октябри Новороссийскро гуноҳи азим хондааст. "Ман тарҷумаи Крачковскиро мехонам, аммо агар чизеро дуруст дарк накардам, ба тарҷумаи Қулиева назар меандозам. Қулиев баъзе мавридҳоро хеле дақиқ тарҷума кардааст. Ман ҳуқуқи канор гузоштани Қуръонро надорам, он гуфтаҳои Худованд аст ва дар сурати партофтан гуноҳи бузурге содир мешавад. Ман ин корро ҳеч гоҳ нахоҳам кард, агар чӣ барои ин амал маро ба зиндон кашанд", - гуфтааст Шайх Абдулҳай.

Ба қавли вай онҳое ки чунин қарорҳоро мебароранд, "миёни сокинони Русия низоъ мехезонанд, онҳоро бояд ҳабс кард". "Чунин инсонҳо ҳаққи маҳкум кардани одамонро надоранд. Онҳо як нафарро зидди нафари дигар мешуронанд. Ин амалҳо зидди қонуни асосӣ аст. Дар аҳди шӯравӣ вақте ҷанг сар шуд, тамоми мардуми СССР аз як гиребон сар бароварда бар фашист пирӯз шуданд. Агар он вақт чунин додрасҳо онҷо мешуданд, ҳама чиро барбод медоданд, ягонагии моро барҳам мезаданд. Чунин одамон набояд соҳиби вазифа шаванд. Додрасҳо-экстремистҳо бояд аз мақомҳои роҳбарӣ барканор шаванд".

17-уми сентябр суди ноҳияи Октябри Новороссийск тарҷумаи китоби муқаддаси Қуръон ба забони русиро дар тарҷумаи Элмир Қулиев экстремистӣ эътироф карда, даъвои прокуратураи нақлиёти Новороссийскро дар мавриди ба феҳрасти адабиёти экстремистӣ шомил кардани он қонеъ кард.


Шарҳи худро бинависед:

Ном:*
E-Mail:
Матни шарҳ:
Посух додан
  • Далер

  • 26 сентябр 2013 10:56
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Тарфдор ҳастам.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!