Русский  >>  فارسی  >>  Сешанбе 6 декабр 2016, 23:00

Ҳимояти русзабонҳои Тоҷикистон аз номзадии Раҳмон

28 сентябр 2013, 09:02

Алянси ақалиятҳои миллии Тоҷикистон, ки кореягӣ, тоторҳо, бошқирдҳо, немисҳо ва қазоқу қирғизҳоро дар бар мегирад, дар ҷаласаи ахири худ қарор кардааст, дар интихоботи қарибулвуқӯи президентӣ аз номзадии Эмомалӣ Раҳмон, раисиҷумҳури феълии Тоҷикистон ҳимоят кунад.

Виктор Ким, роҳбари Алянси мазкур, мегӯяд, аксари русзабонҳо қарор кардаанд, аз номзадии Раҳмон ҳимоят кунанд: “Ба ин қарор онҳо мехоҳанд, вазъи муътадили сиёсии дохили Тоҷикистон, таҳаммулпазирӣ нисбат ба динҳои дигар, муносибат бо забони русӣ ва муносибати Душанбею Маскав густариш ёбад.”

Теъдоди ақалиятҳои миллӣ дар Тоҷикистон ҳудуди 1 дарсади интихобкунандагони кишварро ташкил медиҳад. Виктор Ким дар суҳбат бо расонаҳои Русия дар шарҳи пуштибонӣ аз номзадии Раҳмон афзудааст, ки “ҳама,-рус, қазоқ, қирғиз, тотор ва дигарҳо дар нигоҳ доштани ба истиллоҳ “ҷаҳони русӣ” дар Тоҷикистон манфиатдоранд. Махсусан мактабҳои русӣ. Мо дар ин кишвар зиндагӣ мекунем ва наметавонем аз ин маъракаи муҳим дар канор бошем.” Ӯ афзудааст, бо оғози маъракаи таблиғотӣ ба таблиғи номзадии Раҳмон миёни миллатҳои дигари муқими Тоҷикистон оғоз хоҳанд кард.

Теъдоди ақалиятҳои миллӣ дар доираи Алянс ҳудуди 67 ҳазор нафар арзёбӣ мешавад, ки аз ҳама зиёдашонро тотору қирғизҳо ташкил медиҳанд. Русҳо тибқи омори соли 2010-ум дар Тоҷикистон 30 ҳазор нафарро ташкил додаанд, вале то ҳол ягон ҷамъияти махсуси худро надоранд.


Шарҳи худро бинависед:

Ном:*
E-Mail:
Матни шарҳ:
Посух додан
  • ы

  • 30 сентябр 2013 06:58
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин чамъиятхои русзабонхо аз кадим бозичаи хукумат буда зидди мардуми точик хастанд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!