Русский  >>  فارسی  >>  Шанбе 10 декабр 2016, 21:30

Қувайт дар лаҳзаҳои охирин наврасони тоҷикро шикаст дод

28 сентябр 2013, 09:42

Мунтахаби наврасони Тоҷикистон (U-16) дар бозии сеюми Мусобиқаи интихобии қаҳрамонии Осиё миёни наврасон бо якачини наврасони Қувайт қувваозмоӣ намуда, бо ҳисоби 2:1 шикаст хӯрд.

Ин бозӣ шоми 27-уми сентябр, дар варзишгоҳи “Али Сабоҳ Ал-Салим”-и Қувейт баргузор гардид. Дар ин дидор аввалин шуда мизбонон ҳисобро кушоданд. Голро дар дақиқаи 42-юми сабқат бозигари дастаи мизбон Бадер, ба ҳадаф расонид (0:1). Дар дақиқаи 54-уми дидор Муҳаммадҷони Ҳасан, бозигари дастаи наврасони Тоҷикистон тӯбро ба дарвозаи ҳариф ворид намуда, ҳисобро баробар кард (1:1). Голи дуюми мизбононро Юсеф, бозигари дигари ин даста дар дақиқаи 1-уми замони изофӣ ба ҳадаф расонид. (1:2).

Мунтахаби Тоҷикистон дар ин бозӣ дар ҳайати зер ба сабқат баромада буданд. Беҳруз Хайриев, Алишер Сафаров, Абубакр Азимов, Фирӯз Ризомов, Сироҷиддин Гулмуродов, Кароматулло Саидов, Худойдод Узоқов, Суҳроб Муминов, Хокимҷон Ҳасанов (Ҳиматулло Малодустов, 79), Муҳаммаҷони Ҳасан, Рустам Толибов (Собирҷон Гуляков, 82).

Дастаи мунтахаби наврасони Тоҷикистон нахустин бозии худро дар ин мусобиқот бо дастаи наврасони Ҳиндустон мусовӣ - 1:1 анҷом дода, дар бозии дуюм тими наврасони Бутанро бо ҳисоби бузурги 12:0 шикаст доданд.

Бозиҳои гуруҳи “А”-и Мусобиқаи қаҳрамонии Осиё миёни наврасон дар Қувайт ҷараён дорад. Ба ин гуруҳ дастаҳои наврасони Тоҷикистон, Ҳиндустон, Қувайт, Лубнон ва Бутан шомиланд.

Дар бозии дигари Мусобиқаи қаҳрамонии Осиё миёни наврасон дар гуруҳи “А” дастаи наврасони Ҳиндустон бар тими наврасони Бутан бо ҳисоби 8:1 ғолиб омаданд.

Айни ҳол дар ҷадвали мусобиқот Қувайт бо 9 имтиёз дар ҷойи аввал қарор доранд. Ҳиндустон 7 имтиёзӣ мақоми дуюмро соҳиб шудааст. Тоҷикистон бо 4 имтиёз дар зинаи сеюм ҷой гирифтааст. Лубнон бо 3 имтиёз дар зинаи чорум ва Бутан бидуни имтиёз дар зинаи охирин аст.

Мунтахаби наврасони Тоҷикистон дар бозии охирини мусобиқоти интихобӣ, шаби 29-уми сентябр, бо якачини наврасони Лубнон рақобат мекунад. Мунтахаби наврасони Тоҷикистонро дар ин бозиҳо мутахассиси ҷопонӣ Чикаши Сузукӣ роҳбарӣ мекунад.

Ғолибони 10 гуруҳ ва 5 дастаи беҳтарини ҷойҳои дувум ба марҳилаи ниҳоии мусобиқаи қаҳрамонии Осиё байни наврасон (U-16), ки соли оянда дар Тайланд баргузор мешавад, роҳ меёбанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!