Русский  >>  فارسی  >>  Панҷшанбе 8 декабр 2016, 01:14

Наврасони Тоҷикистон ба қаҳрамонии Осиё роҳ наёфтанд

30 сентябр 2013, 09:57

Мунтахаби наврасони Тоҷикистон (U-16) дар бозии охирини Мусобиқаи интихобии қаҳрамонии Осиё миёни наврасон бо якачини наврасони Лубнон қувваозмоӣ намуда, бо ҳисоби 5:0 ғолиб омаданд, вале ба даври ниҳоии ин мусобиқот роҳхат нагирифтанд.

Ин бозӣ шоми 29-уми сентябр, дар варзишгоҳи “Али Сабоҳ Ал-Салим”-и Қувейт баргузор гардид. Ду голи мунтахаби Точикистонро Худойдод Узоқов дар дақиқаҳои 14-ум ва 33-юм ба ҳадаф расонд. Муҳаммадҷони Ҳасан дар дақиқаи 16-ум, Рустам Толибов дар дақиқаи 41-ум ва Собирҷон Гулаков дар дақиқаи 83-юм як голӣ заданд.

Бозиҳои гуруҳи “А”-и Мусобиқаи қаҳрамонии Осиё миёни наврасон дар Қувайт баргузор гардид, ки ба ин гуруҳ дастаҳои наврасони Тоҷикистон, Ҳиндустон, Қувайт, Лубнон ва Бутан шомил буданд. Ҳамин тариқ аз ин гуруҳ танҳо дастаи наврасони Қувайт бо 12 имтиёз ба даври ниҳоӣ роҳ ёфтанд.

Дастаи мунтахаби наврасони Тоҷикистон нахустин бозии худро дар ин мусобиқот бо дастаи наврасони Ҳиндустон мусовӣ - 1:1 анҷом дода, дар бозии дуюм тими наврасони Бутанро бо ҳисоби бузурги 12:0 шикаст доданд ва дар бозии сеюм аз тими наврасони Қувайт бо ҳисоби 2:1 шикаст хӯрда буданд. Мунтахаби наврасони Тоҷикистонро дар ин бозиҳо мутахассиси ҷопонӣ Чикаши Сузукӣ роҳбарӣ мекард.

Тибқи дастури мусобиқот ғолибони 10 гуруҳ ва 5 дастаи беҳтарини ҷойҳои дувум ба марҳилаи ниҳоии мусобиқаи қаҳрамонии Осиё байни наврасон (U-16), ки соли оянда дар Тайланд баргузор мешавад, роҳхат гирифтанд.
Дастаҳое, ки ба даври ниҳоии мусобиқаи қаҳрамонии Осиё-2014 байни наврасон (U-16)роҳ ёфтаанд.
Ғолибони гуруҳҳо: Қувайт (А) Узбакистон (“B”), Непал (“С”), Арабистони Саудӣ (“D”), Эрон (“Е”), Умон (“F”), Австралия (“G”), Малайзия (“Н”), Кореяи Шимолӣ (“I”) ва Ҷопон (“J”)

5 дастаи беҳтарини ҷойҳои дувум - Сурия (“D”), Чин (“I”), Ҳонконг (“G”), Кореяи Ҷанубӣ (“Н”) ва Қатар (“F”)



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!