Русский  >>  فارسی  >>  Якшанбе 4 декабр 2016, 21:20

Ҳушдори Воҳидова аз таҳдид ба ҷони шоҳидон дар зиндони Хуҷанд

1 октябр 2013, 10:59

Файзинисо Воҳидова, вакили дифои Садриддин Тошев, як маҳбус, ки дар пахши итилои бардуруғ оиди шиканҷа дар зиндонҳои Тоҷикистон муттаҳам мешавад, имрӯз,1-уми октябр бо пахши як изҳорот бори дигар аз латукуб ва зери шиканҷа қарор гирифтани маҳбусоне, ки аз маҳбасхонаи № 1-и Душанбе ба маҳбасхонаи № 2-и Хуҷанд интиқол ёфтаанд, хабар дод.

Воҳидова мегӯяд, баъди чор рӯзи танаффус, имрӯз, 1 октябр мурофиаи додгоҳии Садриддин Тошев оғоз хоҳад шуд. Ӯ меафзояд, ки “дар ин 4 рӯз аз шоҳидони парванда аз дохили муассиса даҳҳо хабару муроҷиатҳо расид, ки ҳаёт ва саломатии шоҳидон-маҳбусон дар хатар аст. Баъди он, ки шоҳидон асли ҳодисаро ифшо намуданд ва бар муқобили сардори муассиса ва масъулини Сарраёсати иҷрои ҷазои ҷиноятӣ нишондод дода, исбот карданд, ки ҳамаи онҳо мавриди шиканҷа ва латукуби шадид қарор гирифта буданд, дар муассиса нисбати шоҳидон амалҳои ғайриқонунӣ раво дида шуда, ҳоло барои ҷойгир кардани онҳо дар утоқи ҷаримавӣ замина фароҳам карда истодаанд».

Файзинисо Воҳидова, зикр кард, ки Ҳамза Икромзода, маҳбуси зиндони Душанбе, маҳз дар утоқи ҷаримавӣ мавриди латукуб қарор гирифта, ба марг расонида шуда буд.

Ин вакили дифоъ бо таъкиди таҳдид ба ҷони маҳбусон аз ҷомеаи шаҳрвандӣ ва созмонҳои дифои ҳуқуқи башар хостааст, ба ин қазия расидагӣ кунанд, чун ба гуфтаи ӯ дар акси ҳол имкон дорад, рӯзҳои наздик руйхати қурбониёни шиканҷа дар зиндонҳои Тоҷикистон бештар шавад.

Садриддин Тошеву Сунатулло Ризоев тирамоҳи соли гузашта, дар пайи марги Ҳамза Икромзода дар зиндони рақами аввали Душанбе, ҳамроҳ бо маҳбусони дигар ба маҳбаси Хуҷанд интиқол ёфтанд ва айни ҳол барои пахши ахбори бардурӯғ дар бораи шиканҷа дар зиндони Хуҷанд муттаҳам мешаванд. Ин парвандаи онҳо баъд аз он ифтитоҳ шуд, ки дар Интернет навори видеоие дар бораи шиканҷаи зиндониёне, ки аз Душанбе ба Хуҷанд фиристода шуданд, пайдо ва бо вокунишҳо рӯбарӯ гардид. Мақомот мегӯянд, Тошеву Ризоев ин навори сохтаро паҳн кардаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!