Гармои шадид боиси марги 64 нафар гардид

Теъдоди қурбониёни гармии шадиди қисмати марказӣ ва ҷанубии ИМА 64 нафар арзёбӣ мешавад.

---

Ба иттилои Хадамоти миллии ҳавошиносии Амрико ҳолатҳои фавти одамон вобаста ба гармии шадид дар 15 иёлаи ин кишвар ба қайд расидааст. Дар Филаделфия бар асари гармӣ 21 нафар, дар Чикаго 15 кас ва дар Канзас-сити 17 тан ба ҳалокат расидаанд. Гуфта мешавад, аксари қурбониён афроди бузургсоланд.
Садҳо нафар барои кӯмак ба табибон муроҷиат кардаанд. Дар баробари одамон чорвои онҳо низ аз гармӣ азият мекашад. Анҷумани хоҷагиҳои қишлоқ гуфтааст, 4000 сар чорвои шохдорро аз даст додаанд.
Дар ҳоли ҳозир иёлаҳои Иллинойс, Миссури, Канзас, Оклахому ва Техасро аз идомаи гармиҳо ҳушдор додаанд. Ҳавошиносон ба аҳолии ин минтақаҳо каме «салқини»-ро баъди рӯзи панҷшанбе ваъда кардаанд.
Дар ҳамин ҳол маврид ба тазаккур аст, ки фазои Тоҷикистонро низ соли равон ҳавои тафсон ишғол кардааст. Ба иттилои мутахассисон чунин гармии ҳаво дар панҷ соли охир собиқа надоштааст. Бо ин вуҷуд маркази ҳавошиносии Тоҷикистон гуфтааст, имрӯз ҳавои Душанбе абрӣ шуда, эҳтимоли боридани борони кӯтоҳмуддат мавҷуд аст. Гармии ҳаво то 33 дараҷа мерасад. {jathumbnail off} Мӯҳр