02 окт 2013 17:28Тоҷикистон / Иқтисодӣ

Раҳмон “Тоҷиксемент”-ро бе гази Узбакистон фаъол кард

Эмомалӣ Раҳмон, раисиҷумҳури Тоҷикистон, имрӯз, 2-юми октябр, калонтарин корхонаи сементбарории кишвар, “Тоҷиксемент”-ро, ки дар пайи қатъи интиқоли гази Узбакистон аз кор монда буд, пас аз таваққуфи даҳмоҳа дубора фаъол кард.

Тавре аз дафтари матбуоти раисиҷумҳури Тоҷикистон иттилоъ доданд, “ҳоло дар ин корхона бо васлу насби дастгоҳу таҷҳизоти нави технологӣ ба ҷойи гази табиӣ ба ҳайси сӯзишворӣ аз ангишт истифода карда мешавад. Захираи ангишт ва ашёи хоми барои истеҳсоли семент зарурӣ дар Тоҷикистон хеле фаровон буда, барои садсолаҳо басандагӣ мекунад.”

Ба иттилои манбаъ ҳоло навбати якуми ин корхона бо технологияи нав мавриди истифода қарор гирифт, ки иқтидори солонаи он 180 ҳазор тонна сементи баландсифат мебошад: “Ин кор бо харҷи қариб 13,5 миллион доллари амрикоӣ анҷом дода шуда, аз 1140 нафар коргарони пешин 883 кас аз нав ба кор ҷалб карда шудааст. Бо вуҷуди истифода аз ангишт, ин технологияи нав камасрафу бепартов буда, ба муҳити зист ҳеч гуна зарар намерасонад. Дар истеҳсоли 510 тонна семент, ки иқтидори шабонарӯзии корхона аст, ҳамагӣ 350-400 кг ангишт сарф мешавад.”

Тавре иттилоъ дода шуд, навбати дуюми корхонаи сементи шаҳри Душанбе пас аз ду моҳи дигар ба кор даромада, иқтидори солонаи истеҳсолии он ба 360 ҳазор тонна маҳсулот расонда шуда, шумораи коргарон боз ҳам афзун хоҳад шуд.

Дафтари матбуоти раисиҷумҳур меафзояд, ки сементи дар ин корхона истеҳсолшаванда дорои сифати баланд буда, аз ҷумла аз таъсири манфии сулфат ва дигар элементу моддаҳои кимиёӣ эмин мемонад ва аз ин хотир дар бунёди иншооти азими гидроэнергетикӣ васеъ истифода мешавад.

Эмомалӣ Раҳмон барои ифтитоҳи навбати дуюми корхона дастур дода, таъкид кард, ки иқтидори ин корхона дар оянда бояд ба 1 миллион тонна расонда шавад.

Мӯҳр

Хабарҳои монанд:

Azizullo

Ofarin!

Ҷавоб диҳед Иқтибос Шикоят

фарзанди миллат

Ман хело хурсандам, вале на танхо барои сементамон зиёд шуд, балки барои чунин Рохбари ба нангу носус дорем, ки сарашро дар пеши хар як номард хам намекунад.

Ҷавоб диҳед Иқтибос Шикоят

Аз нуктаи назари иктисоди ин амали бехуда аст. Нархи цементашон ба осмон хохад расид. Баъд пошлинаро барои цементи хоричи мебардоранду хамаро мачбур мекунанд цементашонро бо нархи гарон харанд. Ба мардум аз ин чи фоида?

Ҷавоб диҳед Иқтибос Шикоят

safarjon

Молодец Президент так держать

Ҷавоб диҳед Иқтибос Шикоят

НЕЪМАТ.

САЛОМАТ БОШАНД ПАДАРИ МИЛЛАТ.

Ҷавоб диҳед Иқтибос Шикоят

Хизматхои шахсони дигарро президент аз худ карда истодааст. Чи дар Точикистон танхо президент кор мекунаду халос?

Ҷавоб диҳед Иқтибос Шикоят

tojik

ana nomus.xudovand dushmanonu baxeloni rahmonro kur kun.

Ҷавоб диҳед Иқтибос Шикоят