Русский  >>  فارسی  >>  Ҷумъа 9 декабр 2016, 18:27

"Назарайлоқ" раҳбари нав ёфт

2 октябр 2013, 17:31

Аҳлиддин Иброҳимов, раиси ҷамоати Ҳоит раҳбари кони ангишти Назарайлоқ таъин шудааст. Дар ин бора “Авеста” бо такя ба манобеи худ дар ҷамоати Ҳоит хабар медиҳад.

Ин таъиноти Аҳлиддин Иброҳимов баъд аз сафари Эмомалӣ Раҳмон, раисиҷумҳури Тоҷикистон, ба минтақаи Рашт дар ҳафтаи гузашта сурат мегирад. Иброҳимови тақрибан 55-сола солҳои ҷанги шаҳрвандӣ дар симмати муовини раиси ноҳияи Рашт қарор доштааст.

Раиси пешини кони ангишти Назарайлоқ Нуриддин Темиров, шаби 2-юм ба 3-юми сентябри соли ҷорӣ аз сӯи шахсони номаълум дар утоқи истироҳатияш кушта шуда буд. Ҳарчанд тафтиши ин қазияро Рамазон Раҳимов, вазири умури дохилӣ, таҳти назорат гирифт, вале то ҳол омилони қатли Темиров пайдо нашудаанд.

Назарайлоқ яке аз конҳои калидӣ ва дорои ангишти хушсифати Тоҷикистон аст, ки дар 90 километрии маркази ноҳияи Рашт қарор дорад ва тақсими манофеъ аз ин кон яке аз омилҳои даргириҳои се соли пеш дар шарқи Тоҷикистон арзёбӣ мешуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!