Сенати Амрико баррасии таҳримҳои ҷадиди зидди Эрониро ба баъди музокироти Женева гузошт
Кумитаи банкдории Сенати Амрико баррасии тарҳҳои тасвиб шуда дар маҷлиси намояндагони ин кишвар барои таҳрими содиротии нафтии Эронро ба баъд аз баргузории музокироти 5+1 дар Женева гузошт.
Ба гузориши “Форс” ба нақл аз хабаргузории Ройтерз дар ҳоле ки кумитаи банкдории Сенати Амрико қарор буд дар моҳи сентябри соли равон ба баррасии бастаи ҷадиди таҳримҳои қабул шуда, дар моҳи июли маҷлиси намояндагон алайҳи Эрон бипардозад, ин баррасӣ ҳадди ақал ба муддати чандин ҳафта то баргузории музокироти гуруҳи 5+1 бо Эрон дар Женева, ба таъхир афтод.
Ройтерз ин хабарро ба нақл аз қонунгузорон ва дастёрони намояндагони конгресси Амрико мунташир карда аст. Ройтерз навишата аст, ки чунин иқдоме метавонад боиси эҷоди фазои беҳтаре дар музокироти байни Эрон ва 6 қудрати ҷаҳон дар Женева шавад; ин музокирот қарор аст рӯзҳои 15 ва 16 октябр соли равон баргузор шавад ва дар ҳақиқат аввалин давр аз музокирот баъд аз тамоси телефонии таърихии ҳафтаи гузашта байни Барак Обама, раиси ҷумҳури Амрико ва Ҳасани Руҳонӣ, раиси ҷумҳури Эрон хоҳад шуд.
Илова бар ин дар ҳолеки баррасии мавзуи таҳримҳои Эрон ба далели кашокаш миёни қонунгузорони конгресси Амрико бар сари таътил кардани давлати Вашингтон ба кундӣ пеш меравад, аммо қонунгузорони амрикоӣ эътироф кардаанд, ки таъхир дар баррасии таҳмили таҳримҳои ҷадид матраҳ шуда аст, то фазои ҳоким бар музокирот Женева беҳбуҳд бахшад.
Ройтерз дар идомаи ин хабар ба изҳороти рӯзи душанбеи ҳафтаи равони Катрин Эштон, масъули сиёсати хориҷии Иттиҳодияи Аврупо ишора карда , ки ошкоро эълон карда аст, ки авлотар медонад қонунгузорони амрикоӣ ва дигарон, қабл аз баргузории музокироти ҳастаӣ дар Женева, таҳримҳои бештаре алайҳи Эрон ҷорӣ накунанд.
Дастёрони намояндагони конгресси Амрико дар ин бора эълон кардаанд , ки бархе аз мақомоти давлати Обама ба сурати махфиёна конгрессро таҳти фишор қарор додаанд, то баррасии таҳримҳои Эронро ба таъхир бияндозанд.
Ин хабар дар шароите мунташир мешавад, ки маҷлиси намояндагони конгресси Амрико моҳи июли соли равон , бастаи ҷадиде аз таҳримҳои зидди эрониро бо 400 раъйи мувофиқ дар баробари 20 раъйи мухолиф, ба тасвиб расонд; ҳадаф аз ин тарҳ, коҳиши содироти нафтиии Эрон то ҳудуди як милион бушкаи дигар дар рӯз, дар тул муддати як сол аст, то аз ин тариқ тамоми содироти нафтии Эрон ба сифр наздик шавад.
Маҷлиси намояндагони Амрико иддао карда аст, бо коҳиши содироти нафтии Эрон, будҷаи лозим барои фаъолиятҳои ҳастаии Теҳронро коҳиш медиҳад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |