Русский  >>  فارسی  >>  Сешанбе 6 декабр 2016, 15:11

Истиқболи Абдуҷаббор Раҳмонов ва Олим Бобоев аз тасмими ҲХДТ

4 октябр 2013, 16:23

Баъд аз поёни Анҷумани 11-уми Ҳизби ҳокими халқӣ-демократии Тоҷикистон, ки рӯзи чоруми октябр дар Душанбе баргузор шуда, Эмомалӣ Раҳмонро бори дигар номзади худ дар интихоботи президентӣ интихоб кард, баъзе аз тарафдорон ва мухолифонаш изҳори назар карданд.

Ҷӯрахон Бӯриев, раҳбари дастгоҳи Ҳизби халқӣ-демократии Тоҷикистон, гуфт, ҳизби онҳо дар маҷмӯъ 230 ҳазор узв дошта, дар анҷумани 11-ум беш аз ҳазор вакил ба тарафдории Эмомалӣ Раҳмон раъй додаанд. Чун, ба гуфтаи ӯ, “Эмомалӣ Раҳмон дар ҳизби мо алтернатива надорад.” “Мо бори дигар раҳбари худро барои ширкат дар маъракаи муҳими сиёсӣ пешбарӣ кардем”,-афзуд ӯ.

Абдуҷаббор Раҳмонов, вазири собиқи маориф ва ҳоло раиси Донишгоҳи омӯзгории Тоҷикистон, мегӯяд, аз пешбарии номзадии Эмомалӣ Раҳмон ифтихор мекунад. Ба гуфтаи ӯ, бори дигар пешбарӣ гардидани номзадии оқои Раҳмон барои ширкат дар интихоботи президентӣ “ин амали хирадмандона аст”. “Мо дидем, ки чӣ гуна бо ташаббуси Эмомалӣ Раҳмон ислоҳоти зиёд дар бахши маориф ҷорӣ шуд. Барои мисол, муассисаҳои таълимӣ бо фанновариҳои муосир таъмин шуд, қабули қонуни масъулияти падару модар ва боз шудани муассисаҳои ҷадиди таълимӣ нишони ин заҳматҳои президент мебошад. Ташкили стипендияи “Дурахшандагон” низ аз ғамхориҳои президенти кишвар дар бахши маориф аст”,-таъкид кард Раҳмонов. Вай баръакс аз волидон интиқод кард, ки сабаби камсаводии фарзандони худ мешаванд.

Олим Бобоев, раҳбари Ҳизби ислоҳоти иқтисодӣ ва яке аз номзадҳо ба мақоми президентӣ, ки дар анҷумани ҳизби ҳоким иштирок дошт, гуфт, дар умум аз баргузории анҷуман ва масоили матраҳшуда, қонеъ аст: “Пешбарии номзадии Эмомалӣ Раҳмонро дар интихоботи президентии соли 2013 мусбат қабул кардам. Албатта, иштироки Эмомалӣ Раҳмон дар ин интихобот рақобатро бештар мекунад ва ҳамзамон як баҳс ва фазои созгорро ба вуҷуд меорад.” Оқои Бобоев дар идома гуфт, бештар ба нуктаҳои иқтисодии барномаи ҳизби ҳоким таваҷҷуҳ кардааст, зеро ин нуктаҳо яке аз самтҳои аслии фаъолияти ҳизби онҳо низ мебошад.

Эмомалӣ Раҳмон, раисиҷумҳури кунунӣ, барои бори чорум дар интихоботи президентии Тоҷикистон иштирок мекунад. Ӯ то кунун дар се интихоб иштирок карда ва бар рақибонаш дастболо шудааст. Дар маҷмӯъ, вай бештар аз 20 сол боз зимоми қудрат дар Тоҷикистонро дар даст дорад.


Шарҳи худро бинависед:

Ном:*
E-Mail:
Матни шарҳ:
Посух додан
  • Зиё

  • 4 октябр 2013 16:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Пешбари кардани Эмомалии Рахмон албата кори "хирадмандона" аст. Зеро агар дигар кас пешбари мешуд Абдучаббор Рахмон аз вазифа мепарид.
Посух додан
  • Бобочон.

  • 4 октябр 2013 17:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бобоев ту хизби киссаги буданатро исбот карди!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз вазифа мепаррид, не бо чурми сангини коррупсиони якчанд солакак хабс мешуд...
Посух додан
  • ali

  • 4 октябр 2013 19:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Абдучаббор Рахмон барои модари точики мусалмону фарзанди хурдакакро МАЙМУН гуфта аз сахни мактаб рондан дар назди миллати Точик чавоб гуяд. ин спектаклу раксубози хама хок ба чашми мардумасту халос.
Посух додан
  • Боби

  • 4 октябр 2013 21:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бобоев кисаги буд ва хаст!!!! Як трафдорхам надорад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаноби Абчабор рахмон шумо фикр накунед дунё дарвоза надорад. ин баромадхои зидди исломии шумо хатман кайд шудааст. рузе чавоб хохи гуфт. Наход ки аз дастат наомад волидайнро гунахгор куни. Ин шармандаги вазорати маориф буд дар даврони шумо ва холо хам хаст.

Мегуянд Бобоеф худаш ба рахмон овоз додааст

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!