Русский  >>  فارسی  >>  Сешанбе 6 декабр 2016, 13:09

Нигаронии муфтиёт аз афзоиши дуздӣ дар Масҷиди марказӣ

4 октябр 2013, 17:46

Домулло Сайид Акбар, муовини сархатиби Масҷиди марказии шаҳри Душанбе, аз рух додани ҳолатҳои дуздӣ дар ин масҷид иброзӣ нигаронӣ намуда, аз ҷавонони кишвар хост, аз ингуна амалҳои нанговар даст кашанд.

Домулло Сайид Акбар, ки рӯзи 4-уми октябр ҳангоми намози ҷумъа дар Масҷиди марказии Душанбе дар ин бора ҳарф мезад, гуфт, чанде қабл ба ӯ ҷавоне аз рабуда шудани ҷузвдон ҳамроҳ бо маблағу телефони мобилиаш дар таҳоратхонаи ин масҷид шикоят бурдааст. Ӯ мегӯяд, ин ҷавон баъд аз чанд муддат ҷузвдони худро холӣ аз хиёбони наздикии масҷид ёфтааст.

Муовини сархатиби масҷиди марказӣ мегӯяд, дуздида шудани ашёи намозгузорон бори аввал нест: “Имрӯзҳо пеши мо одамон меоянд, шикоят мекунанд, ки ҷузвдон ё пойафзоли онҳоро аз масҷид дуздидаанд.” Домулло Сайид Акбар бо овардани иқтибос аз ҳадисҳои паёмбар илова намуд, агар инсоне тамоми ибодатҳои фармудашударо иҷро карда бошад, вале болои ӯ ҳаққи инсони дигар, яъне ашёи касеро гирифта бошад, Худованд ҳаргиз ӯро нахоҳад бахшид: “Аз ин рӯ, аз ҷавонони азиз хоҳиш менамоям, аз ингуна амалҳои зишт даст бардоранду пеш аз анҷоми ин корҳо боре қазоват кунанд, ки агар моли онҳоро дузданд, чӣ мешавад?”

Муовини сархатиб аз он ибрози таассуф менамояд, аксари одамҳое, ки дар ин масҷид ашёашонро медузданд, донишҷӯён мебошанд: “Дар ҳоле пулу ҷузвдонҳои донишҷӯёнро медузданд, ки онҳо худ толибилманд ва ниёз ба кумак дорад.” Бояд гуфт, нигаронӣ аз рух додани ҳолатҳои дуздӣ дар Масҷиди марказии шаҳри Душанбе дар ҳолест, ки тамоми бинои масҷид, бахусус таҳоратхонаи он, аксаран ингуна ҳолатҳо дар онҷо сар мезананд, дурбинҳои назоратӣ насб карда шудааст. Атовуллоҳи Қосим, сухангӯи Шӯрои уламои Тоҷикистон низ қаблан сар задани ҳолатҳои дуздӣ дар масҷиди марказиро таъйид карда, гуфта буд, масъулини масҷид барои пайдо кардани ашёи гумшудаи намозгузорон ҷавобгар нестанд: “Мо метавонем, танҳо навори ҳолати дуздиро, ки агар воқеан ҳам рух додаву сабт шуда бошад, ба соҳиби ашё ироа кунем ва ӯ метавонад аз рӯи ин сабт ба мақомоти пулис муроҷиат карда, моли худро пайдо кунад.”

Вақтҳои охир хабарҳои сар задани дуздӣ дар масҷиди марказии Душанбе мунтазам садо медиҳанд. Аз ҷумла, чанде қабл ҷавоне бо номи Абдуваҳҳоб, яке аз намозгузорони тоҷик дар суҳбат ба “Озодагон” гуфта буд, рӯзи 16-уми август дар таҳоратхонаи масҷиди марказии Душанбе ҷузвдони ӯро ҳамроҳ бо ҳуҷҷатҳояш рабудаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • али

  • 4 октябр 2013 19:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин ба ном "муллохо" девона шудаанд е хозир аз омон галтидаанд о вактеки чавон то 18-сола масчид нарафт пас халолу харомро аз кучо фарк кунаду ба ин амал даст назанад. Аблахям як хадду канор доштагист. Инхо коркунони дин ( онхо мулло нестанд) аз дарахти бед хурмо чинданианд
Посух додан
  • Бенамоз

  • 5 октябр 2013 09:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шармандагй аст, ки дар масчид дуздй сурат мегирад. Ин корхоро хамон бачахои чавон, ки аз мукаррароти шаръй бехабаранд, анчом медиханд. Вактхои охир ходисахои зиёди намозхон-зиногар, намозхон-дузд, намозхон -каллоб, намозхон- бисёрзана, намозхон-бачабоз ва гайра ба мушохида расида истодааст. Бо ин мардум мо кучо мерафта бошем!?
Посух додан
  • Чамшед

  • 7 октябр 2013 13:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
али,

Чураи чон и дузди аз вакташ буд мемонад. Ин ба манъ кардани то 18 сола ба масчит хеч дахле надорад. Пеш аз ин конунхам дузди зиёдтар буду камтар не.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!