Русский  >>  فارسی  >>  Панҷшанбе 8 декабр 2016, 14:47

КМИР муҳлати ҷамъоварии имзоҳоро дароз кард

7 октябр 2013, 09:10

Кумисюни марказии интихобот ва раъйпурсии Тоҷикистон (КМИР), имрӯз, 7-уми октябр дар як ҷаласаи худ, муҳлати ҷамъоварии имзо ба тарафдории номзадҳоро 3 рӯз тамдид кард.

КМИР муҳлати охирини ҷамъоварии имзоҳо ба тарафдории номзадҳоро соати 18:00-и рӯзи 10-уми октябр муайян намуд. Ин қарор ба гуфтаи масъулони КМИР бо дархости Ҳизби демократ, Ҳизби сотсиалистӣ ва коммунистии Тоҷикистон қабул шудааст.

Шермуҳаммади Шоҳиён, раиси КМИР мегӯяд, тибқи қонун маъракаи имзоҷамъкунӣ ба тарафдории номзадҳо бояд 25 рӯз пештар аз баргузории интихобот анҷом ёбад ва чун чунин рӯзҳои захиравӣ буданд, КМИР ин муҳлатро дароз кард. КМИР мегӯяд, дар дар таҷрибаи интихоботҳои гузашта ҳам ду бор маъракаи имзоҷамъкунӣ тамдид шуда буд.

Ин дар ҳолест, ки то ҳол аксари номзадҳо ба мақоми раёсати ҷумҳури Тоҷикистон 210 ҳазор имзои заруриро ҷамъоварии накардаанд. Исмоил Талбаков, номзад аз Ҳизби коммунисти Тоҷикистон дар суҳбат бо “Озодагон” гуфт, то кунун ба тарафдории ӯ 206 ҳазор имзо ҷамъоварӣ шудааст. Вай афзуд, бархе аз масъулони минтақавии ситоди интихоботии Ҳизби коммунист ҳанӯз аз сабаби дурии роҳ ҳанӯз натавонистаанд, тамоми варақаҳоро ба қароргоҳи марказии ҳизбаш расонанд.

Олим Бобоев, номзади Ҳизби ислоҳоти иқтисодӣ ҳам мегӯяд, шумораи имзоҳои ҷамъоваришуда ба ҷонибдорияш ба 205 ҳазору 300 имзо расидааст. Абдуҳалим Ғаффоров, номзади Ҳизби сотсиалист, мегӯяд, ҳарчанд то муҳлати ниҳоии ҷамъоварӣ имзо ба тарафдорияш 198 ҳазор имзо ҷамъ шудааст, вале аз КМИР умедвор аст, ки дархости аҳзоб дар мавриди тамдиди муҳлати ҷамъоварии имзоро қабул мекунад.

Масъулони ситоди интихоботиии Ойниҳол Бобоназарова, номзади ислоҳотхоҳон ва Саидҷаъфар Исмонов, номзад ба мақоми президентӣ аз Ҳизби демократ дар суҳбат ба “Озодагон” изҳор доштанд, ки ҳоло шумораи дақиқи имзоҳо ба тарафдории эшон муайян нест. Ба қавли онҳо, интизор меравад, то нимаи дуюми ҳафтуми октябр шумораи дақиқи имзоҳо эълон шавад. Аммо дар ин миён танҳо ба тарафдории Эмомалӣ Раҳмон, раисиҷумҳури кунунӣ ва нмозад аз Ҳизби халқӣ-демократии Тоҷикистон, бештар аз 220 ҳазор имзо ҷамъоварӣ шудааст.

Интихоботи президентии Тоҷикистон рӯзи шашуми ноябри соли ҷорӣ баргузор хоҳад шуд. Ҳоло номи 7 довталаби курсии раёсати ҷумҳурӣ маълум шудааст. Бар асоси қонуни интихобот ҳар кадоме аз номзадҳо бояд 210 ҳазор имзоӣ ҷамъоварда, сипас худр дар Кумисюни марказии интихобот сабтином намоянд.


Дар акс: Абдуманнон Додоев, раиси дастгоҳи Кумисюни марказии интихобот ва раъйпурсӣ


Шарҳи худро бинависед:

Ном:*
E-Mail:
Матни шарҳ:
Посух додан
  • Хизби хоким

  • 7 октябр 2013 10:28
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дигар ахзоб низ ба мисли хизби хоким кор мекард, кайхо имзохояшонро чамъ карда буданд.
Посух додан
  • Шавкати Мухаммад

  • 7 октябр 2013 10:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чандин ишорахо нишон медихад, ки мухлат сад дар сад тамдид мешавад.
Посух додан
  • саид

  • 7 октябр 2013 14:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хихб дигар ба монанди хизби хоким ба зури ва бо хила имзои мардумро мегирифтанд кайхо ба анчом мерасондан вале онхо монанди хизби хоким аз донишчуён нухсаи шиноснома нахостан ва фармон надоданд ки хар донишчу пеш аз рузи 7-ум бояд нухсаи шиносномаашро хатман ба донишгох биёрад
Посух додан
  • Donishju

  • 7 октябр 2013 19:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Hizbi Hokim hamai imzohoro az donishgoho az trafai donishjuiho jam kardand
va mo donishjuon pursidem ki in ruikhati baroi chist guftand baroi on ast ki dar donshgoh chand donishju mekhonand baroi hamin budast
az hamai donishuiho ba zurovari giriftand bad az imzojamkuni fahmidem ki in imzoho baroi HXDT budast dar varaqahoyashon na imzo budu na pechat hamai in imzohoi fireb astand

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!