Русский  >>  فارسی  >>  Шанбе 3 декабр 2016, 05:22

Дахолати вазир ба ришваситонии нозири БДА дар Рашт

7 октябр 2013, 10:01

Дар пайи шикояти сокинони шаҳраки Навободи минтақаи Рашт, алайҳи Ғаюр Ҳайитов лейтенанти калони милитсия, нозири БДА дар ин минтақа санҷиши хидматӣ оғоз шудааст.

Тибқи иттилои Вазорати умури дохилии Тоҷикистон ахиран сокинони Рашт ба телефони боварии вазир, 2 21 21 21 занг зада, аз ришваситониҳои Ҳайитов, корманди БДА дар шаҳраки Навобод шикоят кардаанд. Ба иттилои манбаъ дар пайи ин шикоят нисбати рафторҳои хусусияти коррупсионӣ доштаи нозири БДА тафтишот оғоз шуда, айни ҳол идома дорад.

Вазорати умури дохилӣ аз шаҳрвандони Тоҷикистон даъват намуд, ки шабонарӯзӣ оиди ҳама гуна қонуншиканӣ, ба хусус ҷиноятҳои вазнин аз қабили таҳрибкорӣ, ҷиноятҳои хусусияти коррупсионӣ ва ё террористидошта, одамкушӣ, одамрабоӣ ва инчунин, нисбати фаъолияти кормандони мақомоти корҳои дохилӣ ба телефони боварии вазир арз намоянд ва расидагӣ ба он бевосита таҳти назорати вазири корҳои дохилӣ қарор хоҳад гирифт.

Ин ниҳод мегӯяд, дар моҳи сентябр ба телефони боварии вазир 48 нафар муроҷиат кардаанд, ки бисёрашон ба шаҳри Душанбе рост меояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!