Русский  >>  فارسی  >>  Чоршанбе 7 декабр 2016, 13:36

Созиш дар мавриди ҷалби сармоядорҳои финӣ ба Тоҷикистон

7 октябр 2013, 10:47

Никлас Линдквист, сафири нави Финляндия, ки охири ҳафтаи гузашта ба Эмомалӣ Раҳмон, раисиҷумҳури Тоҷикистон эътимоднома супурд, дар мулоқот бо Давлаталӣ Саидов, раиси Кумитаи сармоягузорӣ ва идораи амволи давлатӣ ҳадафи асосияшро дар Душанбе густариши ҳамкориҳои иқтисодӣ арзёбӣ намудааст.

Тавре аз Кумитаи сармоягузорӣ иттилоъ доданд, Давлаталӣ Саидов ба сафир доир ба самтҳои фаъолияти Кумита, дастовардҳои ноилгашта дар самти ислоҳоти фазои сармоягузорӣ ва соҳибкории Тоҷикистон, нақшаҳои минбаъдаи ҳукумати мамлакат дар ин самт, имкониятҳои сармоягузорӣ дар соҳаҳои афзалиятноки иқтисодии ҷумҳурӣ, аз он ҷумла, гидроэнергетика, кишоварзӣ, туризм ва истифодаи қаръи замин, кафолату имтиёзҳо барои сармоягузорон пешниҳодшаванда, тартиби ҳамкорӣ бо ширкатҳои сармоягузори хориҷӣ маълумоти муфассал пешниҳод намуд.

Ба иттилои манбаъ Никлас Линдквист омодагии худро ҷиҳати ба роҳ мондани фаъолият баҳри густариш додани ҳамкориҳои мутақобилан судманд миёни соҳибкорони ду кишвар ва ҷалби сармояи Финляндия ба Тоҷикистон изҳор намудааст. Ҷонибҳо зарур хондаанд, ки барои огоҳонидани доираҳои сармоядори Финляндия оид ба иқтидору имкониятҳои сармоягузории Тоҷикистон чорабиниҳои ташвиқотӣ бештар ба роҳ монда шаванд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!