Русский  >>  فارسی  >>  Якшанбе 4 декабр 2016, 17:10

Назар: Аз наздик омадани зимистон наметарсед?

8 октябр 2013, 10:48

“Озодагон” ин ҳафта аз чанд нафар пурсид, ки оё аз наздик шудани фасли сармо ё зимистон наметарсанд. Чаро ки ахиран Эмомалӣ Раҳмон, раисиҷумҳури Тоҷикистон, ҳангоми сӯҳбаташ бо сокинони шаҳри Ваҳдат гуфт, моҳи октябр зоҳиран гарм омада, аз моҳи нобяр то феврал ҳавои сард хоҳад шуд. Ва бо изҳори ин, аз сокинон хост, барои зимистон омодагии хуб бубинанд. Инак, посухи мусоҳибони мо.


Бобоҷон ҚАЮМОВ, як масъули ҲНИТ:
"Наздикшавии сармо имрӯзҳо маъмулан ҳамаи мардуми моро ба ташвиш меорад, аз ҷумла худи маро низ. Ман бо наздик шудани фасли сармо чанд ташвиш дорам. Яке нигаронӣ аз реҷаи барқ аст. Яъне, имсол реҷаи барқ чигуна мешуда бошад, зеро ман дар ноҳияи Рӯдакӣ зиндагӣ мекунам ва бояд "шукронаи ин неъматро" ҳам ба ҷо орам. Аз тарафи дигар бо зиёд шудани теъдоди аҳолӣ ва тақсимоти зиёди барқ дар атрофи Душанбе маъмулан дар зимистон чандин бор трансформаторҳо вайрон мешаванду мо бояд аз паси таъмири онҳо бошем. Ба фикри таъмини хонаи падару модарам дар деҳа бо ҳезуму ангишт ҳастам, то онҳо дар сармои зимистон азият накашанд. Нигарони мактаби фарзандонам ҳам ҳастам, ки боз бебарқ намонаду писаронам аз сармо наларзанд ва аз дарси муҳими информатика ҳам маҳрум нагарданд. Ҳамчунин, дуо мекунам зимистони имсол аз ҳад зиёд сард нашаваду дароз давом накунад, то мардуми мо бо камбуди ҳезуму, дигар васоил рӯбарӯ нашаванд.

Фирӯз САИДОВ, як масъули Маркази тадқиқоти стратегӣ:
"Наздикшавии фасли сармо ҳамаро ба ташвиш меорад, ки чӣ хел барои гузаронидани он омода ҳастем. Солҳои охир мушкилоти нерӯи барқ дар шаҳрҳо то андозае бартараф шуда истодааст. Ин мушкил аслан ҳалшаванда аст, вале маблағи зиёдро талаб мекунанд. Барои бартараф кардани мушкилот дар фасли сармо ба далели камбуди барқ мо бояд гази табииро аз кишвари ҳамсоя ворид кунем. Аммо тавре маълум аст, давоми чанд соли охир Узбакистон ба мо камтар газ медиҳад. Ҳукумат ҳоло барои ин масъала чораҳои қатъӣ меандешад. Агар ҳамин маркази гармидиҳӣ, ки дар назар аст дар шаҳрҳо дубора комилан барқарор шавад, мавриди истифода қарор бигирад, мушкилот сабук мешавад. Аслан мушкилоти Тоҷикистон дар фасли сармо ба барқ рабт дорад. Аз ин хотир бояд неругоҳҳои хурдро ба истифода бидиҳем."

Муҳайё НОЗИМОВА, хабарнигор:
"Ростӣ, чандон ба ташвиш намеорад. Танҳо ҳамин мушкили нақлиёт маро хавотир мекунад. Дар мавриди барқ. Мо, ки дар Душанбе ба сар мебарем, соли гузашта чандон мушкил надоштем. Умедворам, соли ҷорӣ низ дар фасли сармо чунин мушкил пеш нахоҳад омад. Ба фикри ман барои ҳамин бартараф кардани мушкили нақлиёт як роҳ вуҷуд дорад-ин ҳам як субҳ тавассути нақлиёти ҷамъиятӣ ба кор рафтани вазири нақлиёт."


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!