Русский  >>  فارسی  >>  Якшанбе 11 декабр 2016, 03:16

Агар Наргис Бандишоева зинда мебуд... (ВИДЕО)

8 октябр 2013, 11:31

Наргис Бандишоева, тобонтарин овозхони эстрадаи тоҷик агар зинда мебуд, имрӯз (8 октябр) ба синни 47 мерасид.

Ӯ 8-уми октябри соли 1966 дар хонаводаи ҳунарманд ба дунё омадааст. Падараш Ҳукуматшо Бандишоев бастакори шинохта, холааш Савсан артисти мардумӣ ва тағояш Марватшо оҳангнависи маъруф буданд.

Истеъдоди Наргис ҳанӯз дар синни шашсолагӣ кашф шуда ва волидон ӯро ба мактаби мусиқии ба номи Чайковский медиҳанд. Вақте ҳафтсола буд, дар як консерти ҳукуматӣ ширкат ва таронаи «Модари ҷон, модарам»-ро иҷро кард. Соли 1989, замони донишҷӯи соли панҷуми Донишкадаи санъати ба номи Мирзо Турсунзода будан, дар озмуни мусиқӣ таронаи Олег Фезов «Лалаик» (алла)-ро иҷро карда, баландтарин имтиёзро соҳиб шуд. Баъд аз як сол дар ҷашнвораи сурудҳои эстрадии «Иссиқкӯл-89» ба унвони «Мисс Иссиқкӯл-89» мушарраф мегардад.

Дар Донишкадаи санъати ба номи Мирзо Турсунзода яке аз устодони Наргис Меҳрубон Назаров, падари Далер Назаров будааст.

Наргис Бандишоева нахустин хонандаи тоҷик аст, ки соли 1991 барандаи ҷашнвораи байналмилалии “Садои Осиё” («Азия Дауси»)-и Қазоқистон шуд. Дар ин ҷашнвора ба ҷуз ӯ Далер Назаров, Кароматулло Қурбонов, Парвиз Назаров, Олег Фезов ва Парвин Юсуфӣ ҳам ширкат доштаанд. Ӯ ҳатто аз Юлдуз Усмонова, хонандаи номовари узбак ҳам пеш гузашт.

Наргис Бандишоева 21-уми сентябри соли 1991 дар пайи як сониҳаи нақлиётӣ ба ҳалокат расид. Дар мавриди марги ӯ то имрӯз сару садоҳо зиёданд. Он садамаи нақлиётӣ суолҳои зиёдеро боқӣ гузошт, ки то имрӯз на волидони Наргис ва на пайвандони ҳаводоронаш ба он посух наёфтаанд.

“Лалаик”, “Ҷони ман”, “Дар ин шаб мастам”, ”Дар бари ту”, “Маро бишнос бо чашми муҳаббат” ва ”Хуш омадӣ” аз маъруфтарин таронаҳои Наргис Бандишоеваанд. Сурудҳои ӯ то имрӯз дар қатори сершунавандаҳо қарор дошта ва хеле зиёд бозхонӣ шудаанд. Гуруҳи ҳунарии “Баракат”-и Рига низ ба сурудҳои Наргис таваҷҷуҳи зиёд дошта, як албоми таронаҳояш комилан аз сурудҳои ӯ иборат аст. Ахиран, ин гуруҳ ба Тоҷикистон омад ва дар Душанбеву Хоруғ ду консерт дода, маҷмӯаи ба ёди Наргис бандишоева бахшидаашро муаррифӣ намуд.




Шарҳи худро бинависед:

Ном:*
E-Mail:
Матни шарҳ:
Посух додан
  • точик

  • 8 октябр 2013 11:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худо магфираташ кунад!
Посух додан
  • Самандар

  • 8 октябр 2013 15:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
агар зери матлаб ягон таронаашро мегузоштед аз Озодагон сипосгузори мекардем
Посух додан
  • Карим

  • 9 октябр 2013 10:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Наргис овозхони хуб буд ва стили хос дошт, аммо либосхояш хоси духтари точик набуд. Дар намуди зохири кас уро ба хонумони рус шабохат мекарданд. Хади акал мисли Мукаддаст Набиева либос намепушид.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Joyat Jahannat shavad, ruhat shod boshad!!!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!