Русский  >>  فارسی  >>  Якшанбе 4 декабр 2016, 15:10

Сафири Эрон баъд аз 6 сол Тоҷикистонро тарк мекунад

9 октябр 2013, 14:57

Маҳмадсаид Убайдуллоев, раиси Маҷлиси Миллии Тоҷикистон, Алиасғари Шеърдӯст -- сафири Эрон дар Душанберо ба далели анҷоми ваколатҳои сафирияш ва бо хоҳиши худи ӯ ба ҳузур пазируфтааст. Шавкат Саидов, ёвари раиси Маҷлиси Миллӣ, ба “Озодагон” гуфт, Убайдуллоев ба Шеърдӯст барои фаъолияти пурсамар дар иҷрои вазифаи пурмасъулияти дипломатӣ ва саҳми ӯ ба тавсеаёбии муносибатҳои миёни ҳар ду кишвар изҳори сипос кардааст.

Убайдуллоев гуфтааст, Тоҷикистону Эрон ду кишвари ҳамзабону ҳамфарҳанг дорои пайвандҳои ногусастании таърихӣ ва анъанаҳои устувори дӯстию бародарӣ мебошанд ва ин арзишҳо бо мусоидати Шеърдӯст таҳким ёфтаанд. Оқои Шеърдӯст ҳам дар навбати худ аз ҳамкории судманд бо Маҷлиси Миллии Тоҷикистон миннатдорӣ карда, гуфтааст, минбаъд низ равобит байни парлумонҳо ба нафъи мардуми ҳарду кишвар дар роҳи фароҳам овардани заминаҳои ҳуқуқӣ хидмат хоҳад кард.

Алиасғари Шеърдӯст аз соли 2007 ба ин тараф сафири Эрон дар Тоҷикистон мебошад. Қаблан расонаҳо гуфта буданд, бо вуҷуди он ки аз маъмурияти ӯ шаш сол сипарӣ мешавад, вай зоиҳран қасди вогузор кардани ин мақом ба шахси дигарро надорад. Дар асл маъмурияти Алиасғари Шеърдӯст ҳанӯз соли 2010 поён ёфта, вале ӯ муҳлати сафирияш дар Тоҷикистонро тамдид карда буд.

Оқои Шеърдӯст дар тӯли сафирияш дар Тоҷикистон баландтарин ҷоизаи адабӣ - "Рӯдакӣ"-ро барои китоби "Чашмандози шеъри имрӯзи Тоҷикистон" дарёфт карда, соли 2010 ба узвияти хориҷии Академияи улуми Тоҷикистон ҳам пазируфта шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • иронидуст

  • 9 октябр 2013 16:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Нихоятеее аммо такдири тачхизоти телевизиониаш чи мешуда бошад??7
Посух додан
  • sadir

  • 9 октябр 2013 16:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Nakonets
Посух додан
  • Саид

  • 9 октябр 2013 18:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шеъдуст ҳаргиз рафтанӣ набуд, ба Теҳрон фаро хонда шудааст....
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом ба хама!Дар асл Шеърдуст буд. Вале барои сиёсат шеър лозим нест.

[иронидуст,
Бародари Эронидуст! аввал бояд Эрон навишт на Ирон, дуввум Эмомали барои кушодани телевизиони муштараки форсизабонони Навруз рози нашуд. Гуфтанд ки давлати мо исломи нестанд мо наметавонем шабакаи исломиро пахш намоем, набошад телевизион омода аст
Посух додан
  • Davlat

  • 10 октябр 2013 13:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хайрият! Чаноби Шеърдуст дар ин 6 сол факат барои худаш кор кард! Аз пайи бемасъулиятии у шогирдонаш ба мисли Юнусу Мухсин низ сохиби тичорат дар Точикистон шуданду боз чи кадар корхои дигар карданд. Хар чизе, ки дар замони сафирони кабли ба мисли Шабистари ва Сармади буд. Шеърдуст ба фано бурд!
Посух додан
  • Саид

  • 10 октябр 2013 16:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барвакт тар бояд мерафт. Ин кадар шеър мехонд дуру дароз .. то тамом мекарди ба Кургонтеппа рафта мерасиди ва боз бар мегашти.. Аслан шеърхониро кам кардану кор бетар кардан даркор буд чаноби Шеърдуст.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!