Русский  >>  فارسی  >>  Шанбе 3 декабр 2016, 03:17

Пулис ҷузъиёти роҳзании хонаи Дости Бурутро ифшо кард

9 октябр 2013, 16:28

Вазорати умури дохилии Тоҷикистон бо иттиҳоми роҳзанӣ ва ғорати хонаи Дӯстмород Ҳакимов, маъруф бо лақаби Дости Бурут ва аз чеҳраҳои шинохтаи Файзобод, панҷ ҷавонро боздошт намудааст.

Ин афрод -- Барзу Ҳакимов (соли таваллуд 1987), сокини ноҳияи Рӯдакӣ ва Фирӯз Шарифов (соли таваллуд 1993), Муҳаммад Умаров (соли таваллуд 1973), Санҷимурод Худойбердиев (соли таваллуд 1970), Комилҷони Сайфиддинзода (соли таваллуд 1991) сокинони ноҳияи Файзобод мебошанд. Ба иттилои манбаъ, “шаби 8 ба 9-уми октябр Барзу Ҳакимов бо ҳаммаслаконаш, ки ду нафари онҳо -- Маҳмад ва Абдулло ҳанӯз дастгир нашудаанд, занг зада, дар шаҳри Ваҳдат вомехӯранд. Онҳо маслиҳат намуда, нақшаи роҳзанӣ ба хонаи истиқоматии шаҳрванд Достмурод Ҳакимов, сокини ноҳияи Файзободро тарҳрезӣ кардаанд.”

Манбаъ мегӯяд, “онҳо бо таппончаи бозичагӣ ва кордҳо мусаллаҳ гашта, дар автомашинаи «Нексия» ба самти ноҳияи Файзобод ҳаракат намудаанд. Бо дастуру пешниҳоди Барзу Ҳакимов соати 01:00 (9 октябр) ниқобу дастпӯшакҳои сохтмониро пӯшида, Фирӯз Шарифовро ҳамчун назоратчӣ дар паси дар гузошта, боқимонда ҷинояткорон аз кушода будани дари истиқоматӣ истифода кардаву ба хонаи Достмурод Ҳакимов ворид гаштаанд.”

Вазорати умури дохилии Тоҷикистон мегӯяд, боздоштшудагон бо мақсади тасарруфи молу мулки Достмурод Ҳакимов вориди ҷои хоби ӯ гашта, аз кисаи костюмаш 1700 сомонӣ ва аз дастони завҷааш – Гулсун Ҳакимова ду ангуштарӣ ва як дастпонаи тиллоиро гирифтаанд. Ба қавли манбаъ, ин афрод инчунин Абдулҳақ, набераи 16-солаи Достмурод Ҳакимовро зери мушту лагад қарор додаанд.

Аммо дар ҳамин ҳол, ба иттилои ВКД, аз ин ҳодиса кормандони милиса хабардор шуда, фавран Фирӯз Шарифовро дар ҷойи ҳодиса ва боқимонда ҳаммаслаконашро ҳангоми гурехтанашон дастгир намуданд: “Аз онҳо 1 ангуштарӣ, 1 корд, 1 бастаи скоч, 1 ҷуфт дастпӯшакҳои сохтмонӣ ва автомашинаи тамғаи «Нексия», рақами давлатиаш 24-37 АР 02 РТ, ҳамчун далели шайъӣ гирифта шудааст.”

ВКД мегӯяд, алайҳи боздоштшудагон, парвандаи ҷиноӣ оғоз шуда, тафтишот идома дорад. Дости Бурут падари Меъроҷиддин Ҳакимов, узви Маҷлиси Намояндагони Тоҷикистон буда, яке аз тоҷирони муваффақи кишвар дониста мешавад. Ӯ дар деҳаи Мулло Туғмаи Файзобод, тақрибан се километр дуртар аз маркази Файзобод зиндагӣ мекунад.


Шарҳи худро бинависед:

Ном:*
E-Mail:
Матни шарҳ:
Посух додан
  • Анвар

  • 9 октябр 2013 17:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ягонтои онхо аз хизби нахзат набудиян чи? Ё тавба
Посух додан
  • Faridun az Fayzobod

  • 9 октябр 2013 21:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Salom aleykum barodaron va xoharoni aziz , man in xabarro xondam bovar kuned zik shudam , boboi Dustmurod Hakimov xele mardi xub ast man xud az Fayzobod mebosham , padaram ba man nakl mekad ki molu mulki in mardi xudodok hamaw halol ast na in ki az puli duzdi balki az xazmati shabu ruz dar zaminhoyaw, in az avval na vazifai davlati dosht na molu mulk. xudash sohibi taxtu toj shud ki imruz in Mardro tamomi Tojikiston meshunosad , iltimos mardum gapoi harsuna nazanen balki xato mekuned , tashakur baroi dikataton
Посух додан
  • Чоник

  • 10 октябр 2013 10:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Анвар,
Ина худат хастибас нест? Дуздхо хам шуморо медонанд хеч гох ба хизби шумо намепайванданд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
аз руй фахмидагии ман Барзу набераи шумост агарт хатоие рафта бошад аз тарафи шумост ки набераатон хамин корро анчом додааст тарбиаи худатон ЧИ КОШТИ ХАМВАЙА МЕДАРАВИ

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!