10 окт 2013 12:51Тоҷикистон / Сиёсат

Додрас хост, Мамадшо Илолов ва Меҳмон Бахтӣ ба додгоҳ оянд

Рустам Устобоев, намояндаи ҳуқуқии панҷ иттиҳодияи эҷодӣ, ки аз болои Олга Тутубалина, муҳаррири “Азия-Плюс”, ба додгоҳи Фирдавсии Душанбе шикоят бурдаанд, аз ӯ танҳо барои се зиёии тоҷик 200 ҳазор сомонӣ ҷуброни зарарӣ маънавӣ хост.

Ӯ дар мурофиаи додгоҳӣ, ки рӯзи 10 октябр ҷараён гирифт, гуфт, “Аскаралӣ Раҷабов, Дилбар Абдиева ва Ҳикмат Раҳматов баъд аз хондани матлаби Олга Тутубалина дар бораи бозгашти Бозор Собир ба Ватан, ки дар он ҷо дар бораи зиёиён низ гап меравад, зарари маънавӣ дидаанд.”

Оқои Устобоев дар идома афзуд, аммо панҷ иттиҳодияи эҷодӣ, аз ҷумла Академияи илмҳо ва Иттифоқи нависандагон, мехоҳанд, хонум Тутубалина фақат аз онҳо маъзаратхоҳӣ кунад. Ин намояндаи ҳуқуқии панҷ иттиҳодияи эҷодӣ дар муроифаи рӯзи панҷшанбе аз панҷоҳ саволи додрасу вакили мудофеи Олга Тутубалина ба бистои он посух дод.

Вай аз ҷумла гуфт, “норизоиятии панҷ иттиҳодияи эҷодӣ аз он аст, ки Олга Тутубалина дар як матлаби худ зиёиёни тоҷикро таҳқир намудааст”. Олга Тутубалина дар матлабаш “Неинтеллигентно об интеллигенции” бозгашти шоири тоҷик Бозор Собирро аз Амрико ба Ватан баррасӣ карда, аз суханони Владимир Ленин, асосгузори давлати Шӯравӣ, ки гуфтааст, "Зиёиён на мағз, балки наҷосати миллатанд" ор бурда ва таъкид карда буд, ки ин суханонро метавон на танҳо нисбат ба Бозор Собир, балки нисбат ба бисёре аз зиёиёни дигар кор фармуд.

Дар поёни мурофаии рӯзи 10 октябр додрас Сурайё Ҷобирова пешниҳоди вакили мудофеи Олга Тутубалинаро дар мавриди ҳузури худи даъвогарон пазируфт ва талаб кард, ки дар мурофиаи навбатӣ Мамадшо Илолов, президенти Академияи улум, Меҳмон Бахтӣ, раиси Иттифоқи нависандагон ва Дилбар Абдиева ва Ҳикмат Раҳматов ишитрок намоянд.

Мӯҳр

Хабарҳои монанд:

Ана хамон 3 нафар бояд исбот кунанд, ки онхо зиеи хастанд, на мошенник. Вазъиятро истифода бурда пули муфт кандан мехоханд.

Ҷавоб диҳед Иқтибос Шикоят

Кандидат наук

Бечорахо ин зиёиёни ба ном зиёи дар чанд соле, ки дар таърифу тавсифи хукумати чаноби оли буданд, хеч неки тавонанд маоши хуб дарёфт кунанд холо дар остонаи интихобот барои бастани дахони журналист мехоханд хам чанд пулаки ба даст оранду хам табъи хочаашонро хуш кунанд.

Ҷавоб диҳед Иқтибос Шикоят

безиёи

аз хама рохи хуби пулкоркуни гадои мебошд.Гадои кунед аз ин кореки пеш грифтаед бехтар аст.Шарм надоред.ПЕРЕД.

Ҷавоб диҳед Иқтибос Шикоят

dodkhoh

Агар Аскарали Рачабову Дилбар Абдиева ва Хикмат Рахмат худро ин кадар гаронарзиш шуморанд, 400 нафари дигари аъзоёни Иттиходи нависандагон ва бештар аз 15000 нафар кормандони Академияи илмхо чи арзише дошта бошанд?
Ин нафарон базичае беш барои сиёсатмадорони давр нестанд, зеро Аскарали Рачабов саргарми Борбаду рузгори уст, Абдиеваро хамчун номзади илм дар доираи илми тиб барои чомеа мисли Мансурови машхур нест, Хикмат Рахмат бошад мунаккидест, ки танхо аз доираи таърифи дустонаш берун нарафтааст.
Хамин "зиёиёни бенуранд", ки аз дасти хушомадгуиву чоплусиашон дар зарфи 20 соли охир 1120 доктори илм Точикистонро тарк кард. Ин нафарон бояд шарм кунанд, ки бо чунин тафаккуру бо чунин андешаи гуломона мехоханд ки будани худро нишон диханд.

Зихи Олга, ки магзи хушкшудаву ночунбони зиёиёни моро ба тахрик оварди!!!

Ҷавоб диҳед Иқтибос Шикоят

Haker

Olga durust guftaast va yagon kasro tahkir nakardaast. Sharm dored ziyoiyon va doned ki oftobro bo doman pushida nameshavad. Hama medonad ki Olga chi guna jurnalist ast va faqat haqiqatro menavisad. Voi bar holi ziyoiyoni Tojik.

Ҷавоб диҳед Иқтибос Шикоят

Академияи илмхо

Тутубалина аз хамаи шумо, хомиёни интеллигенциянамои мисли худатон дуруяву тарсуву чоху мансабхох миллиард бор точиктару рушанфикртар аст. Шармам меояд аз вокунишхои худнамоёнаву руйширинкунонаи Бахти ва Илолов ва амсоли онон. 80% рушанфикрони точик хамрайъ бо Ольга Тутубалина хастанд.

Аскарали Рачабов ба як пули сиёх намеарзад. Вай дар илм корчаллони сафсатагуст. Ягон кораш чидди нест. Хамааш як чиз. Вай чи вазифа мехоста бошад, ки ин кадар чоплуси мекунад? Гумонам мехохад узви вобаста шавад, зеро ин замон хамаи вазифаву унвонхоро як нафар медихад. Аскарали бояд садокати зохирию дуругинашро ба вай нишон дихад. Ё Худо! Номусу шарафу вичдони гурухе аз мардуми ба истилох "рушанфикр" мурдааст.

Ҷавоб диҳед Иқтибос Шикоят

Юсуф

Академияи илмхо,
Агар ба Бахтӣ ва Илолов чӣ қасде ё ғаразе доред, мӯҳтарам АИ, пас дигар равшанфикрони қаторӣ чӣ гунаҳ кардаанд, ки ба ғазаби шумо барин космополити руспараст (ҳамон русҳое, ки тоҷиконро чашми дидан надоранд) гирифтор шудаанд?
Пас худи шумо кӣ ҳастед? Шоирча ё олимчае, ки вазифа надодаанд? Ё ягон низомӣ ё амниятие, ки ҳануз аз замони Шӯравӣ бо руспарастӣ заҳролӯд шуда, ҳамеша равшанфикронро "ПАРШИВАЯ ИНТЕЛЛИГЕНЦИЯ" меномиданд. Агар инро Олгаҷонатон надонад, барояш бигӯед, ки ин ҳам яке аз истилоҳооти дӯстдоштаи падари маънавияш Ленини диктатор аст. Охир О.Т ва ҳамқавмонаш забони тоҷикиро аз куҷо донанд, ки худашон хонанд ва лаззат баранд? Онҳо ҳам ба тоҷикҳо ва ҳам ба забонашон кайҳо туфи балғамолӯд кардаанд. Минҷумла ба рӯи шумо ҳам. То ҳол нафаҳмидед; онҳо ҳеҷ ором нестанд, ки империя ва салтанаташон аз даст рафтааст. То дами вопасин заҳри худро мечаконанд. Инро фақат шахси нобино намебинаду халос!

Ҷавоб диҳед Иқтибос Шикоят

Сохиб Али

Агар бо ин "чурм" мардумро ба додгох мекашиданд, пас имруз дар ягон кишвари дунё зиёди вучуд дошта наметавонист. Барои ин сухан ба додгох кашидани рузноманигор алакай худ нишонии интилигент набудан аст

Ҷавоб диҳед Иқтибос Шикоят

Эзоҳ илова кунед