Русский  >>  فارسی  >>  Сешанбе 6 декабр 2016, 20:56

Шикоят аз болои наҳзатиҳо: "...Мабодо кӯдаконамонро нагиранд"

10 октябр 2013, 16:02

Наимҷон Самиев, роҳбари бахши суғдии Ҳизби наҳзати исломии Тоҷикистон (ҲНИТ) мегӯяд, ӯ ва чан тан аз намояндаҳои ин ҳизб рӯзи чоршанбеи 9-уми октябр ба додситонии шаҳри Хуҷанд даъват шуданд.

Оқои Самиев дар суҳбаташ ба "Озодагон" гуфт, ҳадафи ин даъват шикояти Кумитаи заминсозии шаҳри Хуҷанд ба додситонӣ будааст, ки гӯиё бинои вилоятии ҳизб ғайриқаноатбахш истифода мешудааст: "Солҳои пеш ин бино мағоза буд. Аммо 10 сол мешавад, ки аз ҷониби як узви ҲНИТ харидорӣ шудааст. Бахши суғдии ҳизб онро иҷора гирифта буд. Ду сол боз барои гирифтани сертификат саргардонем, аммо кормандони Кумитаи заминсозӣ корро кашол медиҳанд",-афзуд ӯ.

Наимҷон Самиев мегӯяд, рӯзи гузашта ваколатдори бино Наимҷон Очиловро низ ба додситонӣ даъват намуда аз ӯ дар мавриди бинои бахши суғдии ҲНИТ баёнот гирифтаанд: “Чанде пеш кормандони Кумитаи амнияти шаҳри Хуҷанд низ Наимҷон Очиловро ба идораашон даъват кардаанд. Ба ӯ гуфтаанд, аз истиқоматкунандаҳои биноҳои истиқоматии 17 ва 18, ки дар назди бинои ҲНИТ дар Суғд ҷой гирифтаанд, ду аризаи шикоятӣ омадааст. Дар ин аризаҳо гӯиё навишта шудааст, ки “мо рӯзона ба кор меравем ва аз кӯдаконамон хавотир ҳастем, ки мабодо сатрдору ришдорҳо кӯдаконамонро гирифта набаранд”. Гӯиё навиштаанд, ки аз фаъолияти ҳизбии мо бехабаранд”.

Ба гуфтаи раҳбарияти бахши суғдии ҲНИТ муомилаи муфаттиши додситонӣ бо онҳо бисёр хуб буд: “Фақат гуфт, ки Кумитаи заминсозӣ даъво дорад, ки шумо ҳамин биноро, ки мағоза буд, самаранок истифода набурда истодаед. Барои ҳамин таъиноти қарори раиси шаҳр дар кор аст. Мо инро мегирем иншоаллоҳ. Агар мағоза ғайрисамаранок бошад, мо онро ба ташкилоти маъмурӣ табдил медиҳем. Ба раиси шаҳр мактуб мекунем ва бояд онҳо мусоидат намоянд”.

Пештар аз ин, дар оғози моҳи сентябри соли ҷорӣ, Кумитаи амнияти миллии Тоҷикистон хостори тафтиши қароргоҳ ё дафтари Ҳизби наҳзати исломӣ дар вилояти Суғд шуда буд. Ин Кумита бо ирсоли як нома аз раиси шаҳри Хуҷанд, раиси Идораи заминсозӣ, меъморӣ, ҳифзи муҳити зист, ширкати Тоҷиктелеком, Идораи дин ва шабакаҳои барқу сардухтури Хуҷанд хоста буд, бо ташкили як кумисюн дафтари шаҳрӣ ва вилоятии ҲНИТ-ро аз назар гузаронда, баъдан хулосаи худро пешниҳод кунанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Баходур

  • 11 октябр 2013 10:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Якумаш ин ки ин аризаро худи бачахакои макомот навиштаву хеч кас аз мадуми оди чунин кор намекунанд. дуюм кудакони мардумро боз чинояткороне шояд бо фармони кадом масъули болочахак медуздаду фазои вахшатро чори мекунанду на танхо нахзат балки мусалмононро гунахкор мекунанд. Ин як сиёсатест ки барои бадном кардани мусалмонон албатта бо дасти касоне ки онхо низ мегуянд мусалмонем, вале душмани асосии мусалмонон хаминхоянд, анчом мешавад. Бечора хукумати мо чунон дар гирдоб фуру рафтааст ва наметавонад мушкилоти ичтимоиву иктисодии мардумро хал кунад, ба хамин сабаб даст ба корхое мезанад ки хиёл мекунад бо ин рох мешавад мардумро фиреб дихаду чанд рузаке дар курсии мулоим шинанд, вале ин фазои вахшат ба зарари худашон ки аз тарс аз ин ки касе пулхояшонро надуздад, шаб хоб намераванд. албатт ин кор бар арари кишвар шудааст.
Посух додан
  • 777

  • 11 октябр 2013 10:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
камтари дигар мондхуди ХНИТ аз байн меравад.дигар бино чи лозим?
Посух додан
  • аюб

  • 14 май 2014 15:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин нахзат хизбуллох аст ки худованд худаш ваьда кардааст ки то кийомат нигах медорад шумобарин шайтонбачахо хазоронашон нест мекунем гуфта бо касалихои сироятнашаванда гирифтор шуда мурда мераванд вой дартаги замин

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!