Русский  >>  فارسی  >>  Ҷумъа 28 апрел 2017, 15:16

"Беш аз ҳазор муҳоҷири тоҷику узбак ғайриқонунӣ дар чанд ҳуҷра сабт шудаанд"

11 октябр 2013, 09:57

Раҳбари як ширкат оид ба пешниҳоди иҷораи манзил дар вилояти Владимири Русия ғайриқонунӣ беш аз ҳазор муҳоҷири тоҷик ва узбакро дар чанд ҳуҷра ба қайд гирифтааст.

ИТАР-ТАСС навиштааст, ин зани солманд бар ивази маблағ муҳоҷирони ғайриқонуниро дар қайд мегузоштааст. “Аз 17-уми апрел то 2-юми августи соли равон ин зани 54-сола ҳузури ғайриқонунии шаҳрвандони Тоҷикистон ва Узбакистонро дар қаламрави Русия таъмин мекардааст”,-гуфтаанд ба хабаргузорӣ дар бахши минтақаии ВКД.

Ин нафар бар ивази ҳазор ё ду ҳазор рубли русӣ шаҳрвандони хориҷӣ ё ашхоси бешаҳрвандро дар қайд мегузоштааст. Тибқи қонун вай ҳамчун ҷониби қабулкунанда мебоист ба муҳоҷирон манзил ё ҷои кор пешниҳод мекард.

Тафтишот муайян кардааст, ки гумонбаршуда муҳоҷиронро дар ҳуҷраҳое воқеъ дар ноҳияи Юреви шаҳри Владимир ба қайд гирифтааст, аммо ин муҳоҷирон ҳеч гоҳ дар ин ҳуҷраҳо назистаанд. Аз оғози соли 2013 вай беш аз ҳазор шаҳрванди кишварҳои Осиёи Миёна ба қаламрави Русияро ғайриқонунӣ таъмин кардааст. Танҳо дар ҳуҷраи худ ӯ 20 нафарро ба қайд гирифтааст.

Ҳоло мақомоти тафтишот муҳоҷирони ғайриқонуниро ҷустуҷӯ мекунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Апрел 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!