Русский  >>  فارسی  >>  Шанбе 3 декабр 2016, 03:17

(ВИДЕО) Бобоназарова: “Ба ин қарор омадам, ки ҳукумат тарсу будааст”

11 октябр 2013, 11:48

Ситоди интихоботии Ойниҳол Бобоназарова, номзади ягонаи Иттиҳоди нерӯҳои ислоҳотхоҳ, ки Ҳизби наҳзати исломӣ ва Ҳизби сотсиал-демократи Тоҷикистон шомили онанд, то кунун 201 ҳазору 236 имзо ҷамъоварӣ намудааст. Дар ҳоле ки барои сабтиноми расмии номзад ба мақоми президентӣ дар Кумисюни марказии интихобот 210 ҳазор имзо зарур мебошад.

Ба ин тартиб, аз рӯи қонуни интихобот хонум Бобоназарова аз идомаи сабқат барои дарёфти курсии президентӣ маҳрум шуда, майдонро барои рақибонаш холӣ гузошт. То кунун Кумисюни марказии интихобот шаш номзад ба мақоми президентиро сабтином кардааст, ки дар миёнашон Эмомалӣ Раҳмон, раисиҷумҳури кунунӣ низ ҳаст.



Ойниҳол Бобоназарова мегӯяд, аз рӯи таҳлилҳояш ва баромади номзадҳои дигар, ӯ яке аз рақибони аслии оқои Раҳмон дониста мешуд ва дар сурати сабтиномаш бозии асосӣ миёни ин ду нафар ҷараён мегирифт. “Аз рӯйи таҳлили ман, ҳамаи номзадҳои дигар бо ҳукумат дар як команда ҳастанд”,-афзуд ӯ.

Вай, ки рӯзи 11 октябр дар нишасти хабарӣ суҳбат мекард, гуфт, “фикр мекардам, ҳатто ин миқдор имзоро намегирем. Рақиби ман як Раҳмон набуд, рақиби ман тамоми ҳукумат ва ниҳодҳо буданд.” Бобоназарова дар идома афзуд, “ба мо аз 8 ҳазор камтар овоз намерасад. Баъзеҳо ба назди мо меоянд, ки пештар имзо монда буданд. Онҳо мегӯянд, агар имзои худро бозпас нагиранд, бо мушкили зиёд рӯбарӯ мешаванд. Ман бар ин қарор омадам, ки ҳукумат тарсу будааст. Медонистам, ки бисёр қонуншиканӣ мешавад, аммо то ба ин дараҷа фикр намекардам. Ин ҳама фишор ва вазъият бозгӯи ин аст, ки ҳукумат намехоҳад аз сари қудрат биравад.”

Номзади ягонаи ислоҳотхоҳон гуфт, рӯзҳои наздик ҷаласаи васеи Иттиҳоди нерӯҳои ислоҳотхоҳ даъват шуда, дар ин замина қарори худро қабул хоҳанд кард. Иттиҳоди нерӯҳои ислоҳотхоҳи Тоҷикистон дар оғози моҳи сентябри соли ҷорӣ номзадии Ойниҳол Бобоназарова, ҳуқуқдони шинохтаи тоҷикро ба мақоми президентӣ пешниҳод карда, ба ҷамъоварии имзо шурӯъ намуд. Бар асоси қарори Кумисюни марказии интихобот бояд онҳо то ҳафтуми октябр 210 ҳазор имзоро ҷамъоварӣ карда, ба ин ниҳод месупориданд. Аммо баъдан, КМИР эълон кард, ки бо дархости Ҳизби демократу коммунист ва сотсиалист ин муҳлатро то 10 октябр тамдид кардааст. Бо ин ҳол, ислоҳотхоҳон мегӯянд, имзои ҷамъовардаашон кофӣ нест ва онҳо зарур намедонанд, ки рӯйхаташонро ба Кумисюни марказии интихобот пешниҳод кунанд.

Ойниҳол Бобоназарова дар посух ба суоли хабарнигорон дар бораи бойкоти интихобот гуфт, "инро ҷаласаи Иттиҳоди нерӯҳои ислоҳотхоҳ муайян мекунад."


Шарҳи худро бинависед:

Ном:*
E-Mail:
Матни шарҳ:
Посух додан
  • донишчу

  • 11 октябр 2013 11:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
майли хама писари амонулло хукумов кудаки ширхор чони чанд мусалмонро аз даст додааст.Ана ин хаст конунхои баровардаи хукумат . Дигар кучои ин хукуматдорхоро тахлил мекуни?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хукуматдорон акнун як нафаси чукур мекашанд. Дигар мухолифин на дар интихобот ширкат мекунанду на аз конуншиканихои рафти он харф мезананд
Посух додан
  • А

  • 11 октябр 2013 11:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
???? +????+????+??+!!!
Посух додан
  • Хаким

  • 11 октябр 2013 11:45
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Охи хички намешносаш, чхел имзош бтиян? Акаллан чени аму "хушбурути" Гаффоров вазн медошт, имзо чамъ карда метавонист())))))))
Посух додан
  • Сорбон

  • 11 октябр 2013 11:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз Чаноби Оли хохиш кунад, майлаш имзохои зиёдатии ХХДТ-ро медихад. Номзади ХХДТ хайрхоху мехрубон аст. Нахзатихо хамин кадар хунар доштед, чй вохима карда боз номзад пешбарй кардед? Аз аввал маълум буд, ки наметавонанд. Худи Кабирй дар 2 соат хамаги 10 имзо чамъ овардаст...

Апаи Ойнихол зик нашав, дар интихоботи дигар успет мекунй. Лекин аз холо имзохоро чамъ карда запас карда монед.
Посух додан
  • п

  • 11 октябр 2013 12:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кори хуб нашуд. Обруи хукумат бори дигар рехт. Аз ракобат метарсанд ин хукуматдорон. Мардум бояд ба ин гуна "интихобот" нараванд. Бойкот.
Посух додан
  • Хуршед

  • 11 октябр 2013 12:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин холаи Ойнихола чи мондаст ба хамин коро? Охир барои бефахмтарин одам маълум буд ва хаст, ки хохем нахохем, хехед нахохед, хоханд нахоханд хам Эмомали президент интихоб мешавад!!!
ЭЭЭхххх мардуми сода!!! Дар Точикистон хакикат мечуед?
Посух додан
  • Surush

  • 11 октябр 2013 12:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар мо аз руи хакикат гап занем каме вичдон дошта бошем, пас ягона озоди халол ва дуруст чамъ карда и н овози Бобоназарова мебошад. Ба Бокимонда номзадхо, бубуахшед маро хатто хамсарошон овоз намедиханд ва онхоро каме намешиносад. Ба Худо касам, ва ин касамро метавонам дар рузи машхар чавоб дихам ба гайр аз овоз ба Рахмон, ки мачубри донишчуён имзо монданд, дигар ягон номзад то 10-20 хазор овоз худашон чамъ кардаги нестанд
Посух додан
  • Интихобкунанда

  • 11 октябр 2013 12:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Айби калон дар худатон ас бо вучуди он, ки ба шумо фишор оварданд ё монеа эчод карданд агар шумо гурухои ташабускор медоштед ва вокеанхам кор мекарданд 210 хазор имзоро кайхо чам карда будед. Чанд тан аз ташаббускоронатон хадс мезаданд, ки вакт кам мондаст мо имзои зарури чам карда натавонистем чи дар кор дигар худамонро гам дихем агар хамон вакт акибнишини накарда кор мекарданд давоми серузи иловашуда шояд ба мара мерасиданд. Ташаббускоронатон хам тарсу буданд!!!
Посух додан
  • asad

  • 11 октябр 2013 12:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
faqat Бойкот.
Посух додан
  • Чаноби Икс

  • 11 октябр 2013 12:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бале Бобоназарова рост мегуяд!
Хамон хушбуруту бебурути туро ки мешиносад??? Хеч кас!!! Интизор шуда ист хамон бебуруту хушбурути ту интихоботро "шаффоф" гуфта то соли 2020 сукутанд!! Ба баъзе чоплусхо гуфтаниам,ки акнун 7 соли дигар "ЧО" гуфта гардед!!! Тарчончакхо!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Муаллима табрик! Ҳамааш як тарафу "Шляпа" куҷо, шуд муаллима? Пиёлаи чой, утоқи барҳаво... Аз пода пеш чанг кардед-да, аммо то кахдон давидеду коро адо шуд ку.... Насиб номзадиро барои соли 2099 мегузоред.
Посух додан
  • Сафар

  • 11 октябр 2013 13:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Як суханони худорахмати Аслиддин Сохибназар ба ёдам омад. Замоне дар интихоботи порлумон Саидкул Билолово оварда бо у ракиб карданд ва устод Билолов бар Сохибназар пируз шуд. Устод Аслиддин дар сухбат бо хабарнигорон гуфт, ки хукумат акалан мегузошт як ду нафар мисли ман намоянда мешуданд. Агарчи мо хеч кор карда наметавонем, аммо мардум каме рухбаланд мешуд ва бовар мекард, ки демократия ва озоди аст ракобати солим аст.
Ин чо хам хама медонистанд, ки Бобоназарова президент намешуд, аммо акалан мардум як бовариро ба ракобати солим пайдо мекард, ки обруи хукумат хам баланд мешуд.Вале афсус баъзан барои давлат ва хукумат хидмати хирсона мекунанд. Афсус!
Посух додан
  • XXXX

  • 11 октябр 2013 13:47
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"Баъзеҳо ба назди мо меоянд, ки пештар имзо монда буданд. Онҳо мегӯянд, агар имзои худро бозпас нагиранд, бо мушкили зиёд рӯбарӯ мешаванд. Ман бар ин қарор омадам, ки ҳукумат тарсу будааст." Хонум Бобоназарова агар ин суханхоятон рост бошанд, пас чаро номи онхоро намегуед?
Посух додан
  • Керосинка

  • 11 октябр 2013 14:06
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"Хушбурут" ягон имзо хам чамъ накардааст ва хатто аз кабинеташ берун нарафтааст. Ба вай имзохоро доданд. Фахмиди?
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!