12 окт 2013 10:12Тоҷикистон / Викенд / Фарҳангу адаб / Дидгоҳи хос / Видео

Синамои тоҷик: Роҳ ба сӯи Ҳолливуд, Болливуд ё "Русвуд"? (ВИДЕО)

Дар назари аввал синамои тоҷик гӯиё ба ҷаҳонӣ шудан меандешад. Шумораи зиёди филмҳо, нақшофарону коргардонҳои нав ба нав ва сенарияҳои дарбеҳу поргишуда нишоне аз рушди кинои ватаниянд. Аммо, мутаасуф, бо ин ҳама ҳоло танҳо аз Голливуд ҳақорат, аз Болливуд фантастикаву рақс ва “Русвуд” амалҳои шаҳвониро омӯхтаанд. То сифат бошад, ҳанӯз ҳазорҳо чақрим роҳ мондааст.

Синамои даврони истиқлоли Тоҷикистон ҳарчанд бади бади бад нест, аммо ба сатҳи миёна ҳам нарасида. Чанд дастовард, ки бо шарофати коргардонҳои ҳирфаӣ ноил шудаем, гуле дар анбуҳи хорҳоро мемонад. Дар ин бахш якҷоя дунболи ҳақиқати чанд филми тоҷикӣ хоҳем рафт. Нахуст аз сохтакориҳо оғоз мекунем, ки табиӣ бозӣ накардани бештари қаҳрамонҳо асоситарин мушкили филмҳои тоҷикӣ гуфта мешавад. Дар бештари маврид ин мушкилро дубляж даҳчанд мекунад. Баъзан ҳатто ба ҷои худи ҳунармандони ҳирфаӣ, ки садои хуб ва ба худашон хос доранд, дигар кас садо медиҳад.

Баъдан муруре ба мувофиқат накардани кадрҳо низ назар хоҳем кард. Масалан, дар филми “Зиндагӣ” ду нафар бо ҳам даст ба гиребон мешаванд. Яке айнак дорад, ки баъд аз афту дарафти зиёд ва мушткӯбиҳои бешумор ҳам айнак аз чашми ӯ намеафтад. Дар филми “Нотарс” бошад, ҳавопаймо дар роҳ ба сӯи Теҳрон суқут мекунад. Онҳое, ки аз ин садама ҷон ба саломат мебаранд, дар гармои тобистон ва он ҳам рӯзона гулхан мегиронанд. Дар “Нишони зиндагӣ” ҳодисаҳои филм дар замони Шӯравӣ ба вуқуъ мепайвандад, аммо мизу курсӣ, либоси қаҳрамонҳо ҳозиразамонанд. Дар дохили мошине, ки рақами Шӯравӣ дорад, диски “CD” овезон аст.

Беҳтараш наворро бубинед ва агар мабодо бо мо розӣ нашудед, андешаи худро зери он бинависед. Бо умеди шуҳрати ҷаҳонӣ, ҳади аққал минтақаӣ ёфтани синамои тоҷик то ҳафтаи дигар Худо нигаҳбонатон!

Мӯҳр

Хабарҳои монанд:

тамошобин

Хубай барномаи пекаш намудаат барои бахсу мунозира.Холо чунон коргардонхо пайдо шудааст ки намедонанд АКТЁРОН ба кастинги кадомаш раванд. Лекин ба хар хол кушиш мекунанд . Озодагон ин кадар вазнини бад нагиред филмсозхоро. Дар барномаи тв Бахористон оиди камбудихои кинохои чахони бо номи "ИШТИБОХ" барнома хаст . Пас маълум мешавад ки дар ГОЛИВУД. БОЛИВУД, РОСИЯВУД ВА ТОЧИКВУД хам камбуди хаст. Чое, ки кор хаст бе камбуди намешавад!!!!!!!!!!!!!!

Ҷавоб диҳед Иқтибос Шикоят

човон

шармандаги аз ин гузарад аку))) оли акои жулналист кобед боз меёбед хато пур пур аст. масалан хамон овозе ки шумо ишора карден аввал хунарманде ки накш меофарад ва баъдан овоздиханда аз пушташ гаполи ваия мегуяд ки хеле дахшатаи.... мекунен соз омода кунен наметонен илтимос ба хамин коротон хаваи набудагиш созаи...

Ҷавоб диҳед Иқтибос Шикоят

Azizullo

Khalqi tojik imruz dar hamai soha qarib rohi taqlidro giriftaanaand. In nishonai past budani ejodkori, hunarnamoii kasbi, hissi vatandustii hunarmandonro nishon medihad. Va dar borai sahnai ba qavli muallif (seksi ) guftani hastam ki, khalqi tojik boyad motam girad az chunin madaniyati tahmili ki bolyash omadaast. Mardumi garb az akhloqu odobi mo hasad mebarad ammo mo boshem az razzolati onho. INNA LILLAH VA INNA ILAYHI ROJIUN.

Ҷавоб диҳед Иқтибос Шикоят

мухочири овора

Раҳмати калон барои эродҳои гирифтаатон ин ҳам бошад "аз баҳр ними қатра"мебошад фақат ҳаминро гуфтани ҳастам. бо чунин тарз яъне бо "забони фаҳмо" саҳнаҳои дорои фаҳшу таҳқиру дашномро нишон дода наврасону ҷавононро "тарбият" мекунанд. Бояд он чи ки ба фарҳангу миллату дину мазҳаби мо бегона аст аз он дури ҷустан даркор наход ки асарҳои тарбиявию ахлоқи надошта бошем? Наход ки аз куштору зуроварию тирпарони сер набошем????

Ҷавоб диҳед Иқтибос Шикоят

mehrob

ШАРМАНДАГИ

Ҷавоб диҳед Иқтибос Шикоят

Дидбон

э ака хама хатоги мекунад ина ранги шумон дар 6:12 дакика ба чои КОРГАРДОН " КОРГАДОН" навиштен, монен ки синамои точик хам пеш равад танкиду бадгуи чи лозим!!!

Ҷавоб диҳед Иқтибос Шикоят

Saif

Як савол аз хамин коргардонхо, барои чи дар ягон филми точики масчид ё намозхонии муйсафедон дида намешавад?? Ё шояд метарсанд ? Вокеъан филмхои точики на характери тарбияви доранд, на мазхакави, хама сохтакори ва такалллуб. Аз узбако ёд гирен филмсозиро....

Ҷавоб диҳед Иқтибос Шикоят

Эзоҳ илова кунед