Русский  >>  فارسی  >>  Сешанбе 6 декабр 2016, 10:49

Ҷоиза барои духтаре, ки аз президент имзо хост

14 октябр 2013, 16:30

Имрӯз, 14-уми октябр, гуруҳи кории Иттиҳоди нерӯҳои ислоҳотхоҳи Тоҷикистон ба Ҳамида Носирова, духтаре, ки талош дошт, ба тарафдории Ойниҳол Бобоназарова, номзади ин иттиҳод аз Эмомалӣ Раҳмон, раисиҷумҳури феълӣ, имзо бигирад, ҷоиза супурд.

Муҳиддин Кабирӣ, раҳбари Ҳизби наҳзати исломии Тоҷикистон зимни суханрониаш гуфт, ки ин ҷоиза тибқи ваъдаи қаблӣ ва барои ҷасорат ба хонум Носирова супурда мешавад. Ҷоизаро ба Ҳамида Носирова, Ойниҳол Бобоназарова, номзад ба мақоми президентӣ аз Иттиҳоди нерӯҳои ислоҳотхоҳи Тоҷикистон тақдим намуд.

Маврид ба зикр аст, ки таърихи 29-уми сентябр Ҳамида Носирова, узви гурӯҳи кории ситоди интихоботии Ойниҳол Бобоназарова дар ноҳияи Исмоили Сомонӣ ба ҷамъоварии имзо машғул буда, дар рафти кори худ ба манзили раисҷумҳур, Эмомалӣ Раҳмон низ рафтааст.

Ҳамида Носироваро дарбонон қабул карда, аз ӯ сабаби аслии ворид шудан ба ин манзилро суол мекунанд. Дар ҷавоб хонум Носирова мегӯяд, ки Эмомалӣ Раҳмон дар баробари раисҷумҳур будан, шаҳрванди кишвар буда, аз ин лиҳоз мехоҳад имзои ӯро бигирад. Дар натиҷа дарбонон ба идораи амният занг зада, мегӯянд, ки Эмомалӣ Раҳмон ва ҳамсараш дар манзили худ ҳузур надоштаанд.



Шарҳи худро бинависед:

Ном:*
E-Mail:
Матни шарҳ:
Посух додан
  • МУХОЧИР

  • 16 октябр 2013 19:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ХОХАРИ АЗИЗ!ХАМИДА!АЛЛОХ НИГАХБОНАТОН БОШАД!БОЧАСОРАТ ВА МАРДОНАГИИ ХУД ШУМО ВОКЕАН МОРО КОИЛ ГАРДОНИДЕД
Посух додан
  • ahmad

  • 16 октябр 2013 20:49
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
инқадар воҳима накyнед, дилy гурдаи мо Тоҷико ана ҳамин аст, ҳатто аз имзо гирифтан метарсем, раҳмат ба ин хоҳар, вале айбаст ки мо мардони Тоҷик мисли рубоҳ зиндагиро идома бидиҳем.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!