Русский  >>  فارسی  >>  Панҷшанбе 8 декабр 2016, 21:01

Сарояндаи поп барои нарафтан ба пахтачинӣ аз ҳаққи овозхонӣ маҳрум шуд

16 октябр 2013, 18:55

Ҷасур Умиров, овозхони маъруфи Узбакистон барои саркашӣ аз ҷамъоварии пунба аз литсензия ё иҷозатномаи сарояндагӣ маҳрум шудааст.

Торнамои “Узбекнаво”, ниҳоде, ки ба овозхонҳои эстрада литсензия медиҳад, навиштааст, ки Умиров бо баҳонаи “саломатии бад”-аш аз рафтан ба саҳрои пахта даст кашидааст.

Гуфта мешавад, бо ин кор “Узбекнаво” ба ҳамаи сарояндаҳои дигар сабақ доданист.

“Ҷасур Умаров худро бемор нишон дод ва аз ин рӯ барои саркашӣ аз ҷамъоварии пахта ва иҷрои таронаҳои ба фарҳанги миллӣ бегона муҷозот шуд”,-гуфтааст як манбаъ аз “Узбекнаво” ба “Озодлик”.

Умиров қабл аз маҳрум шудан аз литсензия таронаи «Маша»-ро иҷро карда ва бар матни он клип ҳам бардошта буд. Маҳз ҳамин сурудро "Узбекнаво" «ба арзишҳои фарҳанги миллӣ бегона” хондааст.

"Узбекнаво” маъракаи ҷалби овозхонҳо барои ҳунарнамоӣ дар мавсими пахтағундориро роҳандозӣ кардааст. Дар робита рӯйхати овозхонҳое, ки бояд ба саҳро раванд, тартиб дода шудааст. "Сароянлдаҳои ба ин рӯйхат уфтода бояд бидуни пеш овардани ҳеч баҳона ба саҳро бираванд”,-гуфтааст манбаъ.

Гуфта мешавад, сарояндаҳои фаъол ба саҳро рафта консерт медиҳанд, аммо онҳое, ки аз ин амр саркашӣ мекунанд “сахт муҷозот мешаванд”.

Масалан, Озодбек Назарбеков, сарояндаи мардумии Узбакистон барои ширкати фаъол дар мавсими пахтағундорӣ бо кортии плостикӣ ва маблағ дар ҳисобаш мукофотонида шудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!