Русский  >>  فارسی  >>  Душанбе 5 декабр 2016, 17:35

Задухӯрд миёни амниятиҳо ва қочоқчиён дар Бадахшон

17 октябр 2013, 09:31

Кумитаи амнияти милллии Тоҷикистон мегӯяд, ахиран зимни як амалиёт дар Бадахшон миёни кормандони мақомот ва қочоқчиён задухӯрди мусаллаҳона сурат гирифтааст.

Тавре аз ин ниҳод ба “Озодагон” иттилоъ доданд, кормандони Раёсати Кумита дар Бадахшон якҷоя бо марзбонон дар минтақаи наздисарҳадии Даштаки ноҳияи Ванҷ бо қочоқчиён вориди задухӯрди мусаллаҳона шудаанд: “Дар натиҷа сарҳадшиканон маҷбур шуданд ба самти Афғонистон фирор намоянд.”

Ба иттилои манбаъ дар ҷойи ҳодиса 3 килограмм маводи мухаддир, 2 автомати Калашников ёфта шудааст.

Кумитаи амнияти миллии Тоҷикистон мегӯяд, задухӯрди дигар бо қочоқчиён ахиран дар минтақаи сарҳадии «Навободи» ноҳияи Панҷи вилояти Хатлон сурат гирифт, ки дар натиҷа қочоқчиён борро партофта, ба қаламрави Афғонистон паноҳ бурданд: “Зимни азназаргузаронии макони ҳодиса ба миқдори 10 килограмм бангдона дарёфт ва мусодира карда шуд.”

Ин ниҳод мегӯяд, айни замон замон нисбат ба ин қазияҳо парвандаҳои ҷиноятӣ оғоз гардидаанд ва тафтишоти пешакӣ давом дорад.

Дар маҷмуъ Кумитаи амният иттилоъ медиҳад, ки аз аввали соли равон 1 тоннаю 474 килограмм маводи нашъаовар, аз ҷумла 194,8 килограмм героин, 621 килограм гашиш, 114 килограмм афюн, қариб 500 килограмм мухаддироти гурӯҳи бангдонаро мусодира намуданд.


Шарҳи худро бинависед:

Ном:*
E-Mail:
Матни шарҳ:
Посух додан
  • илхом

  • 4 сентябр 2014 09:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сафсата......Дуруг......Шармандаги......Хамин чо зиндаги дорем .Хамин хели набудааст .Хамааш ФИРЕБ

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!