Русский  >>  فارسی  >>  Сешанбе 6 декабр 2016, 23:00

Густариши носкашӣ дар Русия ва тасмими Думаи давлатӣ

17 октябр 2013, 12:22

“Носкашӣ”, омиле, ки алайҳи муҳоҷирон дар Русия истифода мешавад, ба гузориши расонаҳои русӣ ахиран миёни наврасони ин кишвар низ густариш ёфтааст. Тибқи хабарҳо дар Русия аксари наврасон ба хотири раҳоӣ аз чанги сигор рӯ ба нос овардаанд.

Бархе аз наврасони рус дар суҳбат бо шабакаи телевизионии русии “ИноТВ” гуфтаанд, гароиши онҳо аз сигор ба нос далели дигаре ҳам дорад, ки нос ҳам арзон ва ҳам таъсирноктар мебошад.

Ин дар ҳолест, ки ба гуфтаи ин шабакаи телевизионии Русия, масъулони Вазорат ва муассисаҳои тандурустии ин кишвар аз рӯй овардани наврасони худ ба носкашӣ ибрози нигаронӣ доранд. Онҳо мегӯянд, бархе аз носфурӯшон барои ҷалби бештари муштарӣ ба носи худ маводи мухаддири сахттаъсири дигар, аз қабили бангу героинро низ илова мекунанд, ки он ҷавононро оқибат муътод хоҳад кард.

Аз сӯи дигар вакилони Думаи Русия тасмим доранд, бо ворид намудани тағйиру иловаҳо ба қонуни амалкунандаи ин кишвар мубориза бо носро шадидтар намоянд. Вале коршиносони рус бар инанд, ки қабули чунин як қонуне ба манфиат нахоҳад буд, чун мисли дигар қонунҳо рӯи коғаз боқӣ хоҳад монд.

Нос як навъи тамоку мебошад, ки миёни мардуми Осиёи Марказӣ, бахусус тоҷикон маъруфият дорад. Ба гуфтаи фурушандаҳои он, нос аз тамокуи хушк омода мешавад, ки ба он об, хокистари дарахти бед ва оҳакро низ илова мекунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!