Русский  >>  فارسی  >>  Шанбе 3 декабр 2016, 07:28

Гуфтугӯ бо ҳамсари Саид Шарифов, “қаҳрамон”-и Пусть говорят

17 октябр 2013, 14:23

Нилуфари КАРИМ

“Озодагон” бо Шаҳзода Абдураҳимова, ҳамсари Саид Шарифов, ки ахиран дар барномаи “Пусть говорят”-и шабакаи аввали Русия иштирок карда, баъдан қиссаи онҳо мавриди баҳси ҷомеаи Тоҷикистон қарор гирифт, сӯҳбате анҷом дод. Дар ин барнома гуфта шуд, оқои Шарифов даҳ сол боз хонаводаи худро дар Душанбе танҳо гузошта, худаш аз як зани ҷавони рус фарзанддор шудааст. Шаҳзода мегӯяд, баъд аз иштирокаш дар барномаи “Пусть говорят” рӯзи 3 октябр ба Душанбе баргашт ва ба зиндагияш идома медиҳад.


Озодагон: Барномае, ки Шумо дар он иштирок кардед, боиси баҳсҳои зиёде шуд. Аксарият ҳамсаратонро ба хотири он ки даҳ сол боз Шумову фарзандҳоятонро танҳо гузоштаву аз худ дараке надодааст, маҳкум карданд. Баъд аз ин барнома чӣ гап шуд, оё Саид Шарифов ба назди Шумову фарзандонатон омад? Чӣ гуфт?
Шаҳзода: “Баъд аз сабти барнома ба назди модараш омад. Кӯдакони ман рафта, ӯро ба оғӯш гирифтанд. Рости гап, нафратам нисбат ба ӯ дар тӯли барнома бештар шуда буд ва ман ҳатто ба тарафаш нигоҳ накардам. Тамоми иштирокдорони барномаи “Пусть говорят” назди ману фарзандонам омада, миннатдорӣ карданд. Баъзеашон ба оғӯш гирифта, дилбардорӣ намуданд. Баъзеашон барои ин қадар таҳаммули мо раҳмат мегуфтанд.”



Озодагон: Ҳамон лаҳзае ки шавҳаратон дар барнома сӯҳбат мекарду Шуморо дидаву гуфт, ки намешиносад, чӣ эҳсос доштед?
Шаҳзода: “Мегӯянд, дурӯғ торикии имон аст. Дар ин барнома ҳамсояи Саид, ки бо модараш омада буд, гуфт, ки ба хонаи мо пеш аз издивоҷ бо ӯ чанд хостгор омада буд. Аммо мо, ки якдигарро дӯст медоштем, ҳамаи хостгорҳоро рад кардам. Вақте вай моро партофта рафт, дар тӯли тақрибан даҳ сол ягон бор барои зиндагӣ кардан ба хонаи бародаронам нарафтаам, то ягон хешам нагӯяд, ки “ана, нағз дида гирифту имрӯз партофту рафт”. Духтарони ман обрӯи падарашонро нарезонданд, ба хотири он падарашон омада, бо сари баланд роҳ гардад. То лаҳзаи охир, вақте гуфт, ман инҳоро намешиносам, фарзандонам чанд бор садо баланд карданд, ки “ота, ин хел нагӯ”. Духтари калониам ин ҳамаро бо чашмони худ медиду бовар намекард. Мо оғози барнома ва суҳбатҳои Саидро дар дигар ҳуҷра тавассути як экрани калон тамошо доштем. Кӯдакон он лаҳзаҳоро дида мегиристанд.”

Озодагон: Дар ин тақрибан даҳ сол, ки бори зиндагӣ ба дӯшатон буд, чӣ кор мекардед?
Шаҳзода: “Агар дар ин 9 сол азобҳои кашидаамро нақл кунам, чанд китоб хоҳад шуд. Азоби маро ҳамаи ҳамсояҳоям медонанд. Тамоми авлоди Саид омада медиданд, ки чӣ хел ман рӯз мегузаронам. Вақташ омад, пули хобгоҳро дода натавонистам, дар ҳамин ҷо фаррошӣ ҳам кардам. Ба он хотир, ки аз кулбаам берун накунанд.”

Озодагон: Ҳоло дар куҷо кор мекунед ва оё ягон маълумот доред?
Шаҳзода: “Ҳозир дар бемористони рақами 4-и Душанбе ба ҳайси ҳамшираи шафқат кор мекунам. Баъд аз хатми мактаб ба Коллеҷи тиббии шаҳри Кӯлоб дохил шуда, маълумот гирифта будам. Ҳамон маълумоти гирифтаам сахт кумак кард. Агар маълумот намедоштам, намедонам тақдири ману фарзандонам чӣ мешуд. Духтари калониамро низ пас аз хатми мактабаш ба Коллеҷи тиббии шаҳри Душанбе дохил кардам. Шукри Худо, бо саводи худ шомили коллеҷ шуда, ҳоло дар курси севум мехонад. Духтари хурдиам то синфи 9 хонда, аммо аз идомаи он даст кашид. Ҳоло дар назди хонаамон мева оварда мефурӯшад. Писарам дар синфи ҳаштуми мактаби рақами 49 мехонад.”

Озодагон: Дар барномаи “Пусть говорят” модари Саид ҳам иштирок дошт. Баъд аз он муносибати ӯ бо Шумо чӣ хел шуд?
Шаҳзода: “Пас аз сабти барнома бо мо дигар хуб сӯҳбат накард. Аз ин чархиш дар муносибати бибиаашон кӯдаконам ҳайрон шуданд. Вай ба назди ман омада гуфт, “ҳозир шавҳарат сар диҳад, рафта як каси дигарро меёбӣ”. Духтарчаам гашта ба бибиаш гуфт, “ба модари ман ягон нафарро накобед, шавҳар карданӣ нест”. Ба ман ягон кас даркор нест, ман танҳо барои фарзандонам зиндаяму нафас мекашам. Ҳарчанд саломатиам хуб нест, аммо ба кӯдаконам нишон намедиҳам то рӯҳафтода нашаванд.”

Озодагон: Чанд сол бо Саид зиндагӣ кардед?
Шаҳзода: “Аз соли 1992 то соли 2005 зиндагӣ кардем, то он вақте ки ба муҳоҷират рафт. Дар ҳамин қадар соли зиндагӣ Саид ягон бор маро дашном надода ва ягон гапи сахт ҳам назада буд. Ба хушҳолӣ аз хона баромада рафт. Ба умеде, ки дар Русия кор мекунаду мо дар Душанбе хона мехарем. Як бор занг зада ва гуфт, корҳояш хуб нест ва корхонаашонро калон мекунанду насиб дар оянда пул мефиристад. Ду сол пеш як ҳамсояамон рақамҳояшро пайдо карда ба мо дод. Духтаронаш занг зада гирён бо ӯ сӯҳбат карданд. Бо духтаронаш гап зада, ягон чиз нагуфтааст. Баъд аз як ҳафта занг задем, ки телефонаш хомӯш буд...”

Озодагон: Саид қабл аз он ки ба Русия равад, ба чӣ кор машғул буд?
Шаҳзода: “Пеш аз Русия рафтанаш дар Вазорати умури дохилӣ (ОМОН) кор мекард. Ҳамон соле, ки ба кор даромад, моро ба хобгоҳ овард, ки то ҳол мо дар инҷо зиндагӣ дорем. Агар вай инсон мебуду камтар номуси мардӣ медошт, аз паси як зане, ки бо чанд кас муносибат кардаасту намедонад фарзандаш аз кист, намерафт. Аз фарзандони ҳалоли худ рӯ намегардонд.”

Озодагон: Тӯли тақрибан даҳ соли охир Шумо ба умеди он ки Саид рӯзе аз дари хонаатон медарояд, зиндагӣ мекардед. Ҳоло чӣ фикр доред?
Шаҳзода: “Ҳоло ҳеч чиз, тамом. Фикр мекардам, баъд аз дидор бо кӯдаконаш фикраш тағйир меёбад. Аммо тағйир наёфт. Ман мефаҳмам, бештари мардони тоҷик дар Русия зан мегиранд. Вале онҳо боз оилаҳои тоҷикашро нигоҳубин менамоянд. Ҳеч боварам намеояд, ки ҳамон Саиде, ки ман дӯсташ медоштаму чанд сол зиндагӣ кардаем, ба ин ҳол афтодааст.”

Озодагон: Агар Саид аз кардаи худ пушаймон шаваду ба назади Шумову фарзандонаш биёяд, мебахшед?

Шаҳзода: “Баъд аз он ки сари маро дар байни мардум хам кард? Барномаро тамоми мардуми ҷаҳон дид ва ӯ аз кудаконаш рӯ гардонд. Боз ба кадом дидаю рӯ аз дари мо медарояду ман вайро қабул кунам? Дигар нафратам меояд.”

Озодагон: Дар оянда чӣ нақшаҳо доред?
Шаҳзода: “Духтари хурдиамро бо обрӯ ба шавҳар барораму писарамро соҳиби маълумот кунам. Дигар ба падараш умед надорам. Орзуҳоям бисёр аст, аммо Худо чизе хост, ҳамон мешавад.”


Шарҳи худро бинависед:

Ном:*
E-Mail:
Матни шарҳ:
Посух додан
  • Давлат

  • 17 октябр 2013 14:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худованд ба Шумо ва фарзандонатон сабри чамил ато кунад!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аввалан лаънати Худованд бод бар ин гунаҳое ки имрӯз занҳояшон ва кӯдакҳояшон ба сабаби онҳо азоб мекашанд. Ва баъдан ба ин модари меҳрубон нисбати фарзандҳояшон аз Аллоҳи меҳрабон сабр ва тоқат хоҳонам. Ва аз давлат хошиш мекунам ки барои кӯмак ба ин оила саҳми назаррас дошта бошад!
Посух додан
  • МУХОЧИР

  • 17 октябр 2013 16:18
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Лаънати ХУДО бар он хукуматдороне,ки мардуми моро ба чунин ахвол оварданд ва боз даъвои хукуматдориву хукуматрони доранд.
Посух додан
  • Бекор

  • 17 октябр 2013 16:35
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Саратон аз сар бошад, аппаи Шаҳзода!!
Сад офарин барои ин бономусиатон ва сабратон!! Ҳатман меваи ин ҳама ранҷро мечашед!!
Офарин ба духатаронат, ки номуси падарро беномусро посбонанд!!
Посух додан
  • Манучер

  • 17 октябр 2013 17:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бубинед аз соли 92 то соли 2005 зиндагии хуб доштан ин хам ру овардан ба мухочират хама мушкил пеш омад агар кори хубе пайдо мекард дар дохили ватан шояд ин ходиса рух намедод
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худованд мададгоратон бод! Апаи Шахзода, бо ин хама сабуриатон. Одоби волое, ки фарзандонатон нишондоданд нишонаи он аст, ки онхоро бо мехнати халол бузург карди ва таълиму тарбият карди. он бешараф вокеъан арзандаи шумо нест! шояд хикмати чудоии шумохам дар хамин аст? Худованд мададгоратон бод!

Худван ачратон дихад Апаи Шахзода, бо ин хама сабуриатон. Одоби волое, ки фарзандонатон нишондоданд нишонаи он аст, ки онхоро бо мехнати халол бузург карди ва таълиму тарбият карди. он бешараф вокеъан арзандаи шумо нест! шояд хикмати чудоии шумохам дар хамин аст? Худованд мададгоратон бод!
Посух додан
  • ahmad

  • 17 октябр 2013 20:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
шавҳари хоҳари мо мард нест yн як зан як палиди беномус аст. Мард ин хоҳари мост ки мардонавор фарзандҳоро ба воя расонд. Дар кишварҳои димократи давлат кушиш мекyнад ба мушкилоти модарони бепадар расидаги кyнад то фарзандон хyб дарс хонанд ва дар оянда хидматгори ватан бошанд. Кош бади дидани ин навор давлатмардони мо ба номyс ояндy ба ин хоҳари мо хона диҳанд ва ба фарзандонашон кyмак кyнанд то нафаси роҳате кашида бошанд. Воқеан ин модар қобили дастгирист. Раҳмат ба инхел зани бономyс ва ланати Аллоҳ бод бар шавҳари беномyсаш ки аз фарзандон ва ҳатто аз модари хyд рyй гардондаст.
Посух додан
  • шайдо

  • 17 октябр 2013 21:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Авало аз даргохи Худованд ба апаи шахноза тани сихат орзу менамоям.Худованд еру мададгоратон бод апаи шахноза.дар амони Худо бошед.
Посух додан
  • abdurahmon

  • 18 октябр 2013 02:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
asalomu alekum xudo sabr tiyan
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ОФАРИН, ХОНУМИ ҶАСУР. ТУФ БИКУН БА РӮИ ИН ХЕЛ МАРДИ КАСИФ.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
лаънат ба ту айби и хукуматдоро чи

лаънат ба ту айбии и хукуматдоро чи
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамаи ин ходисая гунахаш ба сари чаноб , ки имрузхо дар баромади худ чан сум кор кардани мардикорона обсуждение мекунан ва дар охир пешгуи (прогноз)мекунан ки чансум дар оянда аз руссия ба точикистон интикол мешавад . Хамаи хамин аз ноухдадори ба халк .
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Assalomu alaykum,
Pesh az hama ba Shumo va ahli oilaaton sabr/salomati khohonam. Khudovand niyathoi dar dil doshtaaton amali gardonad. Mushkili bar sari hama meoyad, fakat Shumo sabr kuned va salomatiatonro az dast nadihed, Khudokhohad hamash nagz meshad.
Посух додан
  • Орзу

  • 18 октябр 2013 14:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хазор рахмат апаи Шахзода ба Шумо!!! Ба Худо оби чашми инсони камтар баномусу аклдор мерезад... Ташаккур ба Шумо апаи азиз, ки ин ду хохаракро хам зохиран, хам ботинан зебо тарбия намудед. Аз чехрахояшон тарбияи хуби додаатон, нигохдошти номуси мусалмони маълум аст. Иншоаллох Худованд мушкилатонро осон мекунад. Лекин Саидро... Худо чазираш кунад..... Дигар баъди тамошо чиаш хам гуям???
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Рости гап ман ин барномаро надидам вале аз ончи ки дар инчо навишта шудааст ба хаячон омадам, мефахмам чи азоберо ин зан паси сар кардааст. Рахмат ба ин гуна зан, ки бо хамин кадар азоб нигох накарда 4 фарзандашро тарбия кардааст. Лаънат ба он марде, ки аз фарзандони худ руй гардонид. Шарм бидор эй беномус.
Аз худо талаби он мекунам, ки ба ин зан якум саломати ато фармояд, дуюм хушбахти ба фарзандонаш ва ба у.
Аз Хукуматдорон мехостам, то ки ин мардро дар ба худуди Точикистон дигар рох надиханд ва бар болои у дело чинои кушоянд чунки у конун дар бораи масъулияти падару модарро вайрон кардааст.
Хохари азиз сабру токат мехохем ба шумову ба кудаконатон. Холи як руз пир ки шуд аз дасташ ягон чиз намеомадаги шуд у зани русаш уро бароварда пеш мекунад, ин табиист у ё бомж мегардад ё ба хонаи шумо омада бахшиш мепурсад.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!