Русский  >>  فارسی  >>  Ҷумъа 9 декабр 2016, 04:56

Кабирӣ: "Аз дасти нозирони байналмиллалӣ кори зиёде намеояд"

18 октябр 2013, 15:57

Муҳиддин Кабирӣ, раиси Ҳизби наҳзати исломии Тоҷикистон, гуфтааст, агар қонунгузории кишвар ва иродаи сиёсатмадорон барои гузаронидани интихоботи шаффоф ва демократӣ мусоид набошад, аз дасти нозирони байналмиллалӣ кори зиёде намеояд.

Ин нуктаро ӯ зимни дидор бо Бадеску Параскива, раҳбари ҳайати нозирони Дафтари институти демократӣ ва ҳуқуқи башари САҲА (ОБСЕ) дар интихоботи президентии Тоҷикистон, баён кардааст. Масъулони ҲНИТ мегӯянд, дар ин мулоқот масоили марбут ба раванди ҷамъоварии имзо, аз гузоштани имзо маҳрум шудани муҳоҷирони корӣ, наҳваи ширкати Иттиҳоди нерӯҳои ислоҳотхоҳи Тоҷикистон дар интихоботи раёсати ҷумҳурӣ ва авзои кишвар дар пешорӯи интихобот ба баррасӣ гирифта шудааст.

"Муҳиддин Кабирӣ нақши нозирони байналмилалиро дар назорати раванди интихобот муҳим дониста, ҳамзамон қайд кард, ки агар қонунгузории кишвар ва иродаи сиёсатмадорон барои гузаронидани интихоботи шаффоф ва демократӣ мусоид набошад, аз дасти нозирони байналмиллалӣ кори зиёде намеояд”,-гуфт манбаъ.

Дар зимн, хонум Бадеску раиси ҲНИТ-ро оид ба масъулияти ҳайати нозирони байналмиллалӣ ва равиши корашон дар ҷараён гузошта, ишора кардааст, ки ҳадафи онҳо равандро дақиқ назорат намудан ва гузориши бетарафона омода кардан мебошад. Сардори нозирони САҲА афзуда, ки онҳо ҳаққи дахолат ба сиёсатҳои дохилиро надошта, танҳо тавсияҳои худро ироа мекунанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Салим

  • 18 октябр 2013 17:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамаи дунё медонад,ки дар Точикистон 20сол аст,ки ягон маротиба интихоботхои шаффофу демократи нагузаштааст,вале сад афсус,ки хеч пешае карда наметавонанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бародар Салим бидон, ки ТАМОМИ ДУНЁ ХАМИН ТАВР АСТ. То чахон бокист, Бедил кори Олам КАЧРАВИСТ.
Посух додан
  • муаллим

  • 19 октябр 2013 07:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
созмони аврупо дар фикри манофеъ ва барномахои худ аст ,парвойе аз интихоботи мо надорад.хукумати феъли аз ухдаи хамкори бо ин созмон хуб баромада.
Посух додан
  • Ватандуст

  • 8 ноябр 2013 08:33
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар асл нозирони байналмилали бояд ба кори дохилии ин ё он давлат дахолати зиёд хам накунанд. Зеро, ки интихоби Президенти мамлакат ин пеш аз хама кори дохилии кишвар ва халки он аст. Мардуми шарифи Точикистон дар асоси интихоботи шаффоф ва демократи самимона Президенти худро интихоб намуданд ва аз даргохи ОЛЛОХ ба Президенти тозаинтихоб саломати ва барори кор хохонам.
Посух додан
  • Точик

  • 7 март 2015 11:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ватандор ман хам дар хамин акидам

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!