Русский  >>  فارسی  >>  Сешанбе 6 декабр 2016, 13:08

Қирғизистон: Узбакистон намехоҳад, бо мо дар бораи НБО-и "Қамбарато-1" суҳбат кунад

19 октябр 2013, 15:51

Узбакистон бори дигар даъвати Қирғизистонро барои иштирок дар баррасии масоили марбут ба неругоҳи барқӣ-обии “Қамбарато-1”-и ин кишвар рад кард.

Ба иттилои расонаҳи қирғизӣ, Аскар Бешимов, муовини вазири умури хориҷии Қирғизистон гуфтааст, дар соли ҷорӣ бо иштироки намояндагони давлатҳои поёноб ва болооби дарёи “Нарин” чандин мулоқот барои баррасии масоили неругоҳи “Қамбарато-1” баргузор шудааст.

Ӯ мегӯяд, мо аз ҳамаи кишварҳо даъват карда будем, ки дар сохтмони ин неругоҳ иштирок кунанд. Вале ба гуфтаи ӯ, Узбакистон ин даъватро напазируфтааст. Муовини вазири умури хориҷии Қирғизистон изҳор доштааст, ки кишвараш ҳанӯз ҳам иштироки Узбакистон ва дигар давлатҳоро дар ин сохтмон интизор мебошад.

Мақомоти Бишкеку Маскав барои сохтмони Неругоҳи барқӣ-обии Қамбарото-1-и Қирғизистон ҳанӯз соли 2008, даврони ҳукуматдории Қурмонбек Боқиев, раисиҷумҳури барканоршудаи ин кишвар тавофуқномаеро ба имзо расонида буданд. Вале аз сабаби иҷро нагардидани бархе аз тааҳҳудот аз ҷониби Қирғизистон Русия сохтмони ин неругоҳро мавқуф гузошт. Баъдан моҳи сентябри соли 2012 дубора миёни мақомоти русу қирғиз дар ин бора тавофуқномаи наве имзо шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!