22 окт 2013 12:05Тоҷикистон / Сиёсат

Лукашенко гуфт, аз Эмомалӣ Раҳмон ҳимоят хоҳад кард

Масъалаи мустаҳкам гардондани марзи Тоҷикистон бо Афғонистон бояд дар эъломияи Иттиҳоди Давлатҳои Мустақил ё СНГ инъикос гардад. Ин нуктаро Александр Лукашенко, раисиҷумҳури Белорус, рӯзи 21 октябр, ҳангоми мулоқот бо хабарнигорон аз ИДМ иброз доштааст.

Лукашенко таъкид намудааст, агар масъалаи мустаҳкамсозии марзро Эмомалӣ Раҳмон, раисиҷумҳури Тоҷикистон дар анҷумани сарони давлатҳои узви ИДМ бардорад, ӯ аз Раҳмон пуштибонӣ хоҳад кард. Лукашенко таъкид намудааст, масъалаи марзи Тоҷикистону Афғонистон хеле ҷиддӣ ва мураккаб буда, бояд дар эъломияи ИДМ инъикос гардад.

“Ин мушкили ҳамаи мост. Ман намедонам фосила миёни Белорус ва Тоҷикистон чӣ қадар аст ва ман намегӯям, марзи Тоҷикистон мушкили мо нест. Ягон роҳи гурези Белорус аз қочоқ аз тарафи ҷануб вуҷуд надорад”,-афзудааст ӯ.

Раисиҷумҳури Белорус ҳушдор додааст, хоҳу нохоҳ дар минтақа таҳдидҳои террористӣ афзоиш хоҳанд ёфт. Ин дар ҳолест, ки ахиран сарони кишварҳо дар доираи Созмони Паймони Амнияти Дастаҷамъӣ (ОДКБ) қарор намуданд ба Тоҷикистон кумаки низомӣ ироа намоянд. Аз ҷумла, дар назар аст, ки Белорус ба Тоҷикистон дурбинҳо ва дигар дастгоҳҳои назоратӣ бидиҳад.

Мӯҳр

Хабарҳои монанд:

Дилёб

Ин боз як фиреби навбатии Русия алайхи Точикистон мебошад. Русия мехохд ки сархади Точикистону Афгонистонро дар назди созмонхои байналмилали барои Точикистон хавфнок нишон дода, фахмонад, ки танхо Русия кодир аст ин марзро посбони кунад ва бо ин рох ба орзуи деринааш бирасад. Ман хеч намефахмам Русия барои чи инкадар ошики ин марз гаштааст....

Ҷавоб диҳед Иқтибос Шикоят

Юсуф

Суханҳои фачу кулӯх дар бораи СНГ, ки чормағзи пуч барин қадр надорад. Ғайр аз як туда азаматталабони низомии рус, худи ташкилкунандагон аз он созмон безор шудаанд. То ин дам садҳо санад имзо шудааст, вале ягонтои онҳо кор намекунад. Чаро ҳама ба сарҳадоти мо бо Афғонистон ошиқанд??????????

Ҷавоб диҳед Иқтибос Шикоят

Rustam Rustamov

Александр Лукашенко бехтарин президент дар дунёст , ки гайри хакикат дигар чизе намегуяд лекин мухтарам Лукашенко агар шахрванди Точикистон мебуд рости гап ман намедонам, ки Чаноби Олиро тарафдори мекард ё не.

Ҷавоб диҳед Иқтибос Шикоят

нрь

чашми русия барои он ба сархади точик духта шудааст чунги аз ончо хокаи навъи аъло мегирад

Ҷавоб диҳед Иқтибос Шикоят

Эзоҳ илова кунед