Русский  >>  فارسی  >>  Душанбе 5 декабр 2016, 09:32

СБП мегӯяд, анҷоми сохтмонҳои Сочӣ ба Тоҷикистон зарар дорад

22 октябр 2013, 14:17

Сандуқи Байналмилалии Пул (СБП) мегӯяд, анҷоми бунёди иншооти олимпии Сочии Русия дар аввали соли 2014 метавонад, ба иқтисодиёти бархе аз кишварҳои Иттиҳоди Давлатҳои Мустақил (СНГ) таъсири манфӣ расонад.

Ба қавли масъулони СБП, пеш аз ҳама аз анҷоми ин сохтмонҳо метавонанд, Молдова, Қирғизистон ва Тоҷикистон зарар бинанд, чун воридоти асъор ба ин кишварҳо аз Русия аз 10 то 40 дарсадро ташкил медиҳад. СБП меафзояд, пойбандии бархе аз кишварҳои Иттиҳоди Давлатҳои Мустақил ба иқтисодиёти Русия бисёр зич аст ва коҳиши сохтмонҳо дар Русия ба даромади муҳоҷирон таъсири манфӣ мерасонад, чун бисёре аз муҳоҷирон дар сохтмонҳо кор мекунанд.

Ин дар ҳолест, ки сохтмони иншооти олимпии Сочӣ ҳанӯз соли 2008 оғоз шуда, арзиши умумии онҳо 1,5 триллион рублро ташкил медиҳад ва даҳҳо ҳазор муҳоҷири меҳнатиро бо ҷои кор таъмин мекунад. Бозиҳои зимистонаи олимпӣ соли оянда дар шаҳри Сочии Русия баргузор хоҳад шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!