Русский  >>  فارسی  >>  Ҷумъа 9 декабр 2016, 08:48

Сабаби садамаи “МА-60”-и “Тоҷик-Эйр” муайян шуд

22 октябр 2013, 14:48

Мутахассисони чинӣ, ки барои ташхиси тайёраи “МА-60”-и “Тоҷик Эйр” ба Душанбе омада буданд, сабабҳои тасодуф бо ин тайёраро муайян кардаанд ва рӯзҳои наздик ҳамроҳ бо мутахассисони чинӣ барои дарёфти қисмати зарурӣ ба Чин хоҳанд рафт.

Дар ин бора ба “Озодагон” Лола Кенҷаева, сухангӯи ширкати “Тоҷик Эйр” хабар дода, афзуд, ки мутахассисони чинию тоҷик барои овардани қисмҳои зарурӣ, ҳафтаи равон ба корхонаи истеҳсолкунандаи тайёраи "МА-60", ба Чин мераванд.

Кенҷаева афзуд, таҳқиқи сабаби садамаи ҳавопаймо, ки моҳи июл дар фурудгоҳи Душанбе рух дода буд, як раванди дурудароз аст ва ҷузъиёти онро гуфта наметавонад. Аммо хонум Кенҷаеава таъкид намуд, то ин тайёра пурра барои мусофиркашӣ омода нагардад, ба парвозҳо роҳ дода намешавад.

Маврид ба зикр аст, ки моҳи июли соли равон ҳангоми хизматрасонии техникии ҳавопамойии МА-60, шасии он беихтиёрона ғундошта шуда ва ҳавопаймо ба замин нишаст. Дар пайи ин тасодуф Вазорати нақлиёти Тоҷикистон парвози онҳоро дар кишвар манъ карда буд.

Ҳавопаймои МА-60 бо қарзи Эксимбонки Чин охирҳои соли 2012 гирифта шуда, дар хатсайрҳои дохилию хориҷӣ парвоз мекард. Мӯҳлати пардохти қарз 12 сол муайян шудааст. МА-60 бо 56 ҷои нишаст ба масофаи то 1,3 ҳазор километр тавони парвоз дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!