Русский  >>  فارسی  >>  Панҷшанбе 8 декабр 2016, 16:58

Ҳушдори РусАЛ аз ифшои "асрор"-и ширкати Талко

22 октябр 2013, 16:32

РусАЛ, яке аз ширкатҳои бузурги тавлидкунандаи алюминий дар ҷаҳон, рӯзи 22 октябр бо пахши иттилоияе гуфт, Додгоҳи олии Ҷазираҳои Вирҷинияи Бритониё ба нафъи зерширкати РусАЛ - "Albaco" қарор бароварда, ҳукм кардааст, ки корпоратсияи сармоягузории СDH, шарики Талко, барои нақзи қарордод зимни интиқоли хокаи алюминий 70 миллион доллар ҷуброн пардозад.

Дар иттилоия омадааст, ин қарор марбут ба таъмини хокаи алюминий барои Талко, корхонаи алюминийи Тоҷикистон аст, ки қаблан чун ТадАЗ маъруф будааст. РусАЛ мегӯяд, қаблан чунин қарорро Додгоҳи Швейтсария баровард, вале CDH, шарики Талко, иҷрои онро ба таъхир андохтааст.

Ин ширкати русиягӣ ҳушдор медиҳад, дар сурати иҷро нашудани ҳукми додгоҳ аз роҳҳои дигари қонунӣ истифода карда, ҳатто имкон дорад, барои муфлис ё варшикаста эълон кардани корпоратсияи сармоягузории СDH, ки дар ҷазираҳои Вирҷиния сабт шудааст, ба додгоҳи ин ҷазираҳо муроҷиат кунад. РусАЛ мегӯяд, тибқи талаботи эълони варшикастагӣ додгоҳ бояд рӯйхати суратҳисобҳо ва интиқоли пулии ин ширкатро ифшо намояд.

Дар ин миён РусАЛ таъкид мекунад, “мо интизор дорем, бисёре аз корхонаю суратҳисобҳои офшории марбут ба Талко ошкор хоҳанд шуд.”

Аммо Талко ин изҳороти РусАЛро иғво ва ҳуҷуми иттилоотӣ гуфта, таъкид кардааст, чанд сол боз бо CDH ҳамкорӣ накардааст. CDH низ чун "Albaco", зерширкати РусАЛ, дар ҷазираҳои Вирҷинияи Бритониё сабтином шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Зарнисор

  • 23 октябр 2013 09:16
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чанд сол дар точикистон хуни мардумро хурдед бо зулму дуздии пули мардум. Акнун навбати худатон омад, зеро бояд чуброн дихед. Касе зулм кард зулм карда мешавад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!