Русский  >>  فارسی  >>  Сешанбе 6 декабр 2016, 17:12

Баҳси ҳамкории Тоҷикистону Бунёди Оқохон дар Душанбе

23 октябр 2013, 09:15

Низомиддин Зоҳидов, муовини вазири умури хорҷии Тоҷикистон дар мулоқот бо Акбаралӣ Песнанӣ, намояндаи доимии Оқохон дар Тоҷикистон масоили густариши ҳамкориро баррасӣ намудааст.

Тавре Вазорати умури хориҷии Тоҷикистон иттилоъ медиҳад, дар мулоқот рафти татбиқи лоиҳаҳои Созмони Оқохон муҳоккима гардида, дар мавриди густариши онҳо табодули назар сурат гирифтааст.

Ин дар ҳолест, ки аз тарҳҳои ҷадиди ин созмон дар Тоҷикистон, ки раисиҷумҳур, Эмомалӣ Раҳмон, барои тезондани татбиқи онҳо дастур додааст, нерӯгоҳҳои Себзор ва Санобод дар вилояти Бадахшон мебошанд. Манбаъ бо такя ба баҳогузориҳои пешакӣ арзиши ин ду лоиҳаро наздики 300 миллион доллари амрикоӣ гуфта, афзуд, ки дар мавриди нерӯгоҳи 10 мегаваттаи Себзор дар ноҳияи Роштқалъа аллакай тавофуқот миёни Тоҷикистону ин созмон ҳосил шудааст. Вале оиди сохтмони нерӯгоҳи Санобод дар ноҳияи Рушон, ки ҳудуди 15 маротиба аз Себзор боиқтидортар хоҳад буд, музокирот идома доранд.

Дар мавриди сарчашмаи садҳо миллион доллар, ки созмон ба Тоҷикистон равона мекунад, масъулини Созмони Оқохон мегӯянд, ки аз ҳисоби худи Хазинаи Оқохон, маблағи ҳукуматҳои сармоядор, хайри ҷамоати исмоилиён ва боздеҳи лоиҳаҳои Оқохон дар саросари ҷаҳон гирифта мешаванд. Масъулини Бунёди Оқохон мегӯянд, дар Тоҷикистон ягона тарҳе, ки айни ҳол барои созмон даромад меорад, ширкати мобилии “ТСЕЛЛ” мебошад, ки 40 дар сади саҳмияҳои он ба Хазинаи Оқохон ва 60 дарсадаш ба ширкати аврупоии “Телиасонера” тааллуқ доранд. Ба иттилои ин бунёд тарҳҳои дигари созмон, аз ҷумла меҳмонхонаи “Сирена Душанбе” ҳанӯз даромад наоварда истодааст. Масъулини ин созмон мегӯянд, тамоми маблағҳое, ки аз лоиҳаҳои Оқохон ба даст меоянд, барои рушди иқтисодию иҷтимоии кишварҳои ниёзманд дар ҷаҳон, аз ҷумла Африқо ва Осиё равона мешаванд.


Шарҳи худро бинависед:

Ном:*
E-Mail:
Матни шарҳ:
Посух додан
  • laila

  • 28 октябр 2013 13:36
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Pojaluista napishite pravilno imya organizaciu
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Озодагони мухтарам мардуми Бадахшон намеписандад вакте номи азизтарини онхоро Огохон неву ОКОХОН менависед илтимос ислох намоед.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!