Русский  >>  فارسی  >>  Якшанбе 4 декабр 2016, 23:28

"Ҷанговарон"-и қазоқ дар Сурия аз ҳаққи шаҳрвандӣ маҳрум мешаванд?

23 октябр 2013, 15:15

Дар Қазоқистон мехоҳанд, ҳар шаҳрванди ин кишварро, ки дар нооромиҳои дохилии Сурия иштирок дорад, аз ҳаққи шаҳрвандӣ маҳрум кунанд.

Ба иттилои расонаҳои қазоқӣ, Сергей Пешимов, раҳбари Иттиҳоди ветеранҳои Қазоқистон дар ин бора пешниҳод карда, гуфтааст, мақомоти қудратии кишвараш бояд коре кунанд, ки дарҳои Қазоқистон ба рӯи ин қишри шаҳрвандонаш баста шавад.

Ин мақоми қазоқ мегӯяд, ҳанӯз барояш муаммост, ки ин шаҳрвандони Қазоқистон чигуна то ба ҷанги Сурия расидаанд. Ба гуфтаи ӯ, акнун Қазоқистон аз ин шаҳрвандони худаш бояд дар ҳаррос бошад, чун дар ҷангҳои хориҷӣ иштирок карда, ба қотилони “касбӣ” табдил ёфтаанд.

Раҳбари Иттиҳоди ветеранҳои Қазоқистон инчунин аз мақомотҳои қудратии кишвараш даъват кардааст, ки бо ҷавонон ва наврасони қазоқ бештар вохуриҳо анҷом дода, ба онҳо дар интихоби роҳи дуруст кумак кунанд.

Ин дар ҳолест, ки ахиран дар интернет навори видеоие ба намоиш гузошта шуда буд, ки аз ҳузури 150 шаҳрванди Қазоқистон дар нооромиҳои Сурия қисса мекунад. Дар ин навор, ки аз сафҳаи Youtube пок карда шудааст, гуфта мешавад, ин ҷавонони қазоқ бо гуруҳи террористии “Ал-Қоида” ҳамкорӣ доранд. Дар ҳамин ҳол Кумитаи амнияти миллии Қазоқистон ҳузури шаҳрвандони кишварашро дар нооромиҳои Димишқ тасдиқ намуда, вале аз бурдани шумораи онҳо худдорӣ менамояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!