Русский  >>  فارسی  >>  Якшанбе 11 декабр 2016, 05:12

Баҳси таҷлили 3000-солагии Ҳисор дар ҳузури президент

23 октябр 2013, 17:03

Эмомалӣ Раҳмон, раисиҷумҳури Тоҷикистон, имрӯз, 23-юми октябр, дар доираи омодагӣ ба таҷлили 3000-солагии Ҳисор, ки 10-уми сентябри соли 2015 дар назар аст, машварати корӣ доир намудааст.

Тибқи иттилои дафтари матбуоти раисиҷумҳури Тоҷикистон машварати корӣ бо иштироки аъзои Кумитаи тадорукот, аъзои ҳукумати кишвар ва фаъолон ва соҳибкорони бонуфузи ноҳияи Ҳисор баргузор гардид.

Ба иттилои манбаъ ба муносибати ин ҷашн аз ҳисоби буҷети ҷумҳуриявӣ ва дигар сарчашмаҳои марказии маблағгузорӣ, аз ҷумла соҳибкорони ноҳияи Ҳисор садҳо иншооти нави замонавӣ бунёд ёфта, ҳазорон ҷойҳои нави корӣ муҳайё мегардад: “Аз ҷумла варзишгоҳи бузурги марказӣ бо 20 ҳазор ҷойи нишаст, мактаби президентӣ, чанд мактаби таҳсилоти ҳамагонӣ, беморхонаи нави марказӣ ва якчанд иншооти дигари тиббӣ, китобхонаю осорхона, боғи марказии фарҳангию фароғатӣ бо чойхонаи миллӣ бо маблағгузории ҷумҳуриявӣ бунёд хоҳанд ёфт. Дар ин муҳлат мушкили норасоии оби ошомиданӣ ва навсозии шабакаи обу корези маркази ноҳия бартараф шуда, зеристгоҳи барқии 220 киловолта бунёд хоҳад ёфт. Беш аз 130 иншооти дигар, аз ҷумла корхонаҳои истеҳсолӣ аз ҷониби соҳибкорони ноҳия сохта, ба кор дароварда хоҳанд шуд.”

Эмомалӣ Раҳмон таъкид доштааст, ки “ҳадафи асосӣ аз таҷлили ҷашни 3000-солагии Ҳисор ҳифзи ёдгориҳои таърихию фарҳангии ин диёри маъруфи бостонӣ, ободу зебо намудани он ва ба шаҳри зебои муосир табдил додани маркази ноҳия аст”. Дар ҷаласа иттилоъ дода шудааст, ки барои таҳти васоёи ЮНЕСКО таҷлил намудани ин ҷашн ба ин созмон дархости Ҳукумати кишвар фиристода шудааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!