Русский  >>  فارسی  >>  Шанбе 10 декабр 2016, 08:04

“Дар қадамот ҷонум, Ҷаноби Олӣ”. Нуқтаи авҷи таъриф ё ҳанӯз оғозаш? (ВИДЕО)

28 октябр 2013, 09:21

Ба назар мерасад, қолаби суханҳову шеърҳо дигар барои вассофони Эмомалӣ Раҳмон тангӣ мекунад. Онҳо сатҳи нави мадҳу сано - сурудхониро ихтиёр кардаанд. Аммо оё ин нуқтаи “пик” аст ё аз ин бештар чизе имкон дорад?


Таърифу тавсиф ва ҳамду санои Эмомалӣ Раҳмон, раисиҷумҳури Тоҷикистон, зимни сафарҳояш ба минтақаҳои кишвар ба авҷи аълояш расидааст. Тасаввур кардан душвор аст, ки аз ин бештар мардум чӣ гуна ва бо чӣ сифате президентро мадҳ мекунанд. Агар дар оғоз бо гуфтани “президенти муҳтарам”, “сарвари оқил”, “раҳбари хирадманд ва дурандеш” иктифо мекарданд, ором-ором фонди луғавии онҳо бо “шоҳи одил”, “шоҳи шоҳон” ғанӣ шуд. Кор то ҷое расид, ки вақте президент аз ягон хоҷагии деҳқонӣ дидан мекард, ҷумлаҳое монанд ба “бо шарофати Шумо ҳосили зиёд гифтем” низ чизи маъмулӣ гардид.



Ин гапи нав нест, ки мегӯянд, минтақаҳо барои пешвоз гирифтани президент ва тавсифу мадҳи ӯ гӯиё як навъ мусобиқа мекунанд. Аммо ба назар мерасад, онҳое ҳам ки дар як ҷамъомад дар ҳузури президент сухан мекунанд, новобаста аз ҷинсият ва синну сол сабқати пӯшидае доранд. Ҳар нафар мекӯшад, аз дигарон дида Эмомалӣ Раҳмонро бештару самимитар васф карда, сифоти зиёдеро ба ӯ пайванд бидиҳад.

Марди солманде мегӯяд, “вақте Шуморо мебинам, писаронамро фаромӯш мекунам”, толибаи мактаб бошад, буридани лентаи бинои иловагии мактаби миёнаро “иқдоми беназир” унвон мекунад. Онҳое, ки сафарҳои президент ба минтақаҳоро расонаӣ мекунанд, низ аз дигарон кам намеоянд. Мисле ки дар як нашрия навиштаанд: “мардуми ноҳияи Ванҷ президенти кишвар Эмомалӣ Раҳмонро бо он гуна самимият ва маҳбубияте истиқбол гирифтанд, ки қалам дар тасвири ин ҳақиқати бисёр фараҳбахш оҷиз аст”.

Насби аксҳои бузурги Эмомалӣ Раҳмон сари ҳар қадам дар арафаи сафари президент ҳам ҷузъе аз маъракаи мадҳу сано аст (“Озодагон” як пажуҳиш ҳам анҷом дода ва дар ҳоли хотимаёбист, ки маълум мекунад, солона барои нашри аксҳои президент дар қаламрави ҷумҳурӣ чӣ маблағе масраф мешавад). “Сояи Худо” ва “пайғамбарсифат” ҳам ба барчаспҳои маъмулии сифати президент табдил ёфтаанд.

Шеърҳо-ку ҷои худаш. Агар Анварӣ ва Фаррухӣ зинда мебуданд, ба мадҳияҳои ҳампешаҳои муосирашон баҳои аъло мегузоштанд. Аммо ахиран маълум шуд, ки дигар қолаби суханҳову шеърҳо барои вассофони Эмомалӣ Раҳмон тангӣ мекунад. Вақте президент лентаи нақби “Чормағзак”-ро бурид ва тариқи мошин ба он сӯи нақб рафт, гуруҳи беш аз 10-нафарии занони доирабадаст президентро “дастаи сунбул” гуфтаву сурудхонӣ карданд. Дар таҷрибаи пешвозгириҳои ҷаноби Раҳмон бори аввал аз ин усул кор гирифта мешуд. Занҳои доирабадаст рубоиҳои халқӣ дар мавзӯи дӯстиро ба президент часпонидаву дар нақорот бо як овоз мехонданд, ки:

“Чакрӣ-чакрӣ гул астӣ,
Дастаи сунбул астӣ.
Дар қадамот ҷонум, Ҷаноби Олӣ,
Меҳмони мо ҳастӣ...”

Баъд аз чанд рӯз ин усул зуд маъмул шуд ва ҳангоми сафари раисиҷумҳур ба шаҳри Ваҳдат такрор ёфт. Ҳоло ба назар мерасад, мадҳу санои президент зимни пешвозгирӣ ба нуқтаи “пик” расидааст. Дигар душвор аст, фикр кардан, ки аз ин бештар чӣ мешавад?

НӮФАРН-4


PS: Ин навишта назари шахсии муаллиф аст


Шарҳи худро бинависед:

Ном:*
E-Mail:
Матни шарҳ:
Посух додан
  • Чаноби Икс

  • 28 октябр 2013 09:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бевичдонхо...
Посух додан
  • самандар

  • 28 октябр 2013 09:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин навишта аз хакикати талх хикоят дорад, хакикате, ки мардуми точикро гулом табиат мекунад. Вакте мо мактабхон будем, муаллимхои даврони шурави ки хама аъзои хизби комунист буданд, суноне, ки имруз хама аъзои ХХДТ - анд, Кори ишкамбаро хамчун як мулло ё одами паст муаррифи мекардан, хамон Кори ишкамбае, ки Садриддин Айни дар он намунаи барчастаи як точикро ба намоиш гузоштааст. Аммо имруз дар хакикат маъулм шуд, ки он Кори ишкамба намунаи хамаи точикон аст. Аз раисону сарварон сар карда то одами одди.
Посух додан
  • а

  • 28 октябр 2013 10:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Магар халке ки дорои чунин сифатхои паст аст боиси хурмату эхтиром аст? Харгиз не.

Худи ЧО магар шарм намедорад? Халкро ба як рамаи гусфанд табдил додааст.
Посух додан
  • tojik

  • 28 октябр 2013 10:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
mearzad.janobi oli behtarin prezident ast.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Фирдавсии бузург гуфтааст:
Ин суханро аз ман фаромуш макун,
Мадхро аз мадхгар гуш макун!

Бовар кунед агар бо президент ягон ходиса рух дихад, яку ана хамин анонимшикхои мдхгар аз сохаи маориф аз у ру мегардонанд.
Ана ин хакикати хол аст!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар хамаи харочоти яксолаи пешвозгирии "Шоханшох"-ро ба назар бигирем, як агрегати НОБ-и Рогун кайхо сохта мешуд...Дигар давлатхо магар президент надоранд? Чаро боре Обамаро бо гулдаставу тамаллук пешвоз намегиранд? Ин чи хел сарварияст, ки бо "сафари кори" ё "расми" ба як кисмати чумхури бирави ва чунин намоишкорихоро ташкил бисози? Як маротиб дар хакикат бо кор бирав ба ягон нохия...
Посух додан
  • max12

  • 28 октябр 2013 11:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
зиндаги охир сарояд бандаги дар кор нест ..бандаги гар шарт бошад зиндаги дар кор нест! ягон нафари хамин лаганбардорхо не вичдон доранди не мардиву не иродаву не шахсиятан ! ин вазифаи конституционии мансаби президенти аст ки дар хидмати халку ватан бошад! агар Точикистон ба ними аврупо мерасид е дигар давлатхои пешкадам ба фикрам ки Кабаи мо точико хонаи ЧО мешуду худаш пайгомбари охири замон !!! хар як мансабдорро бо вазифаи бар душ доштааш мо хамду санову офарин хонем пас мо ки хастем ? е гуломем ё химмати инсонии паст дорем ё шахсият нестем!
Посух додан
  • Сангак

  • 28 октябр 2013 12:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шармандаги аз ин зиёд намешавад, хама дар назарам ба лагандбардору чоплус(падхалим) мубаддал шудаанд.
Эй мардум акалан камтаре бошад хам ,номуси худро аз даст надихед.
Посух додан
  • kamol

  • 28 октябр 2013 12:58
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
чаноби оли тавонист щохигариро дар авчи аълояш нишон дихад. Рости аз точик буданам вакти тамошои он наворхо пушаймон мешавам. Худоё, маро бубахш.
Посух додан
  • Dev

  • 28 октябр 2013 13:00
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Mentaliteti gulomona dorem, moro meboyad az hudamon sar kunem , nanolem az digaron, ki moro hurmat namekunand. Hamai nohurmatii tojikon dar Russiya in az hudi tojikon vobasta astu halos.Bubined dar hudi Tojikiston bo hamdigar bo havoi dahonu bini suhbat mekunem. Dar Aeroport ba nigohu shakli korkunonash menigari , fikr mekuni hama pisaroni Gul Sheralivu Hukumovand. E tavba!Bas budagist peshi digaron, chorkatu panjkat shudan, ohir in chorkatshaviho pozai hub nest , moro istifoda burda istodaand!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом ба хама, ин хамаро мебинаму дилам мешурад, вале аз АЛЛОХ факат мехохам ки зудтар кори ин дунёро тамом кунад. ХУДОЁ агар хаста нашуда боши вале мо дигар хаста шудем. (Астагфируллох)
Посух додан
  • А

  • 28 октябр 2013 15:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
акалан кудакора ба хамин пешвозгирихо чалб накуманд.магар хамина намебинад .
Посух додан
  • ЧУПОН

  • 28 октябр 2013 19:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бо дастгирии ЧО бузи мо дугоник зойд!
Посух додан
  • хайрхох

  • 28 октябр 2013 19:44
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
бехтараш шахвархоятонро эхтиром мекардед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
шарманда Рахмон худаш мебошад. худаш нагз медонад, ки ба як зарраи хамин таърифхо арзанда нест лекин боз бовар мекунад.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!