Русский  >>  فارسی  >>  Якшанбе 4 декабр 2016, 02:53

Номаи Раҳмон ба раисиҷумҳури Туркманистон

28 октябр 2013, 10:53

Эмомалӣ Раҳмон, раисиҷумҳури Тоҷикистон бо ирсоли як нома ҳамтои туркмани худ Қурбонгулӣ Бердимуҳаммадовро бо рӯзи истиқлолияти кишвараш табрик кардааст.

Раисиҷумҳури Тоҷикистон дар ин номаи худ ба сатҳи кунунии равобити Душанбе ва Ашқобод баҳои баланд дода, ибрози умедворӣ намудааст, ки дар оянда низ ҳамкориҳои ду кишвар тақвият хоҳанд ёфт.

Инчунин дар ин нома таъкид шудааст, ки Тоҷикистон барои дар амал тадбиқ намудани созишномаҳои бо Туркманистон имзокардааш бо тамоми имконот талош хоҳад кард: “Мехоҳам ба Шумо итминон диҳам, ки ҷониби Тоҷикистон ҷиҳати татбиқи созишномаҳои мо, ки ба рушду таҳкими минбаъдаи равобити дуҷониба нигаронида шудаанд, аз тамоми имконоти мавҷуда истифода мекунад.”

Дар охир Эмомалӣ Раҳмон ба ҳамтои туркмани худ дар роҳи амалӣ гардидани нияту нақшаҳояш, ки ба рушди Туркманистон ва таҳкими мавқеи байналмилалии он равона гардидаанд, муваффақиятҳои бузург ва ба халқи бародари туркман пешрафту шукуфоиро таманно кардааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!