Русский  >>  فارسی  >>  Ҷумъа 9 декабр 2016, 12:42

Ташвиши Убайдуллоев аз дискотекаҳо ва “хешутаборчигӣ”

29 октябр 2013, 15:04

Маҳмадсаид Убайдуллоев, раиси шаҳри Душанбе, дар ҷаласаи шаҳрдорӣ марказҳои дилхушии шабона, ё худ дискотекаҳоро, ки то субҳгоҳон фаъолият мекунанд, мояи костагии фазои ахлоқӣ ва рахнаи арзишҳои миллӣ хонда, дастур додааст, назорати онҳо пурзӯр шавад.

Тавре Шавкат Саидов, сухангӯи шаҳрдорӣ, ба “Озодагон” иттилоъ дод, Убайдуллоев сохторҳои шаҳрию ноҳиявиро дар камфаъолиятӣ муттаҳам карда, таъкид намудааст, ки “то ҳанӯз марказҳои алоҳидаи дилхушӣ хилофи регламенти Душанбе то субҳгоҳон фаъолият намуда, боиси косташавии фазои ахлоқӣ ва таблиғи арзишҳои номатлуб миёни ҷавонон мегарданд.”

Убайдуллоев ба қудратиҳои Душанбе дастур додааст, ки бо қонуншиканиҳои марказҳои дилхушӣ муросо накунанд ва нисбати хилофкорон чораҳои пешбининамудаи қонунгузориро шадидан татбиқ созанд. Раиси Душанбе аз сокинони пойтахт ва воситаҳои ахбори омма даъват кардааст, ки ба мубориза алайҳи қонуншиканиҳои соҳибони марказҳо ва рафторҳои номатлуби ҷавондухтарону писарон дар марказҳои дилхушӣ ворид гарданду аз чунин ҳолатҳо оҷилан ба мақомоти ҳифзи ҳуқуқ ва сомонаи шаҳрдорӣ хабар диҳанд, то дар пойтахт фазои солими ахлоқӣ ва арзишҳои миллӣ ҳифз шаванд. Барои татбиқи пурраи ин дастурот ва реҷаи фаъолияти марказҳои хизматрасонӣ Убайдуллоев ба муовинаш, Б. Назаров то 1 январи соли 2014 муҳлат дод.

Ба иттилои Шавкат Саидов, раиси Душанбе инчунин аз риоя нашудани қонуни танзими расму ойин дар баргузории тӯйю маъракаҳо изҳори нигаронӣ кардааст. Убайдуллоев барои пешгирии фасодкорӣ дар сохторҳои шаҳрӣ ба додситонӣ дастур додааст, ки сохторҳои шаҳриро аз назар гузаронанд, то роҳбарон хешу таборонашро дар мансабҳо таъин накунанд.

Инчунин Убайдуллоев ба масъалаи берун кардани чорвои калон аз қаламрави Душанбе дахл карда, дастур додааст, ки барои дастрасии сокинон бо шир ҳамарӯза аз соати 6 00 то 9 00 ва аз соати 18 00 то 20 00 дар ҳудуди шаҳраку маҳаллаҳои пойтахт “Комбинати шири Душанбе” бо нархи 3,5 сомонӣ шири пастеризатсияшударо ба фурӯш гузорад.


Шарҳи худро бинависед:

Ном:*
E-Mail:
Матни шарҳ:
Посух додан
  • а

  • 31 октябр 2013 07:26
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Маркази дилхуши не, аниктараш маркази фахш.
Посух додан
  • Yaman

  • 21 август 2015 13:15
  • Гуруҳ: Посетители
  • Қайд: 2.08.2015
  • Мақом: Пользователь offline
  • Шарҳҳо: 68
  • Матлаб: 0
иждов довла иждов дов ба и иждов довла иждов секис
Посух додан
  • sokin

  • 21 август 2015 16:07
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Raisi muhtaram ki dicatekahoro bandet fakat zurton ba masjidho mardum soxta mersad bashish
Посух додан
  • ин

  • 22 август 2015 09:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам раис шумо дар бораи бо чои кор тамин намудани мардуми шахр хам чунин фармошхои катьи медодед
хуб мешуд

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!