01 ноя 2013 10:57Тоҷикистон / Сиёсат
КМИР гуфт, Раҳматилло Зоиров сари калобаашро гум кардааст
Додоев мегӯяд, “Зойиров дар аввал гуфта буд, аз таҳрим кардани инитихоботи гузашта пушаймон шудааст. Баъдан аз номзадии Ойниҳол Бобоназарова пуштибонӣ кард, аммо то анҷоми муҳлати пешбарии номзадҳо ба мансаби президентӣ анҷумани ҳизбашро баргузор накард ва аз Бобоназарова пуштибонӣ нанамуд.”
Ба қавли раҳбари дастгоҳи Кумисюни марказии интихобот, таҳрими ин маъракаи муҳими сиёсӣ аз сӯи ҲСДТ танҳо мавқеи шахсии Зойиров буда, пуштибони зиёде надорад. “Мо дар ҳеч вазъият ин ақидаи ӯро ба эътибор ҳам намегирем ва эътироф намекунем. Интихобот ба маънои томаш озоду шаффоф ҷараён дорад. Ин интихобот аз интихоботи гузашта ба куллӣ фарқ дорад. Шаффофияту демократӣ будани интихобот аз он иборат аст, ки аз 40 кишвари дунё зиёда аз 500 нозири байналмилалӣ ташриф овардаанд. Номзадҳо ба мансаби президент дар гӯшаву канори ҷумҳурӣ бо интихобкунадагон вохӯрӣ доранд ва ин мулоқот ба воситаи телевизиону радио пахш мегардад. Магар ин демократия нест?”,-афзуд Додоев.
Ин масъули Кумисюни марказии интихобот ва раъйпурсӣ мегӯяд, интихоботро таҳрим кардани ҲСДТ ба ҷараёни он ягон таъсир нахоҳад дошт. «Моро мардум эътироф кунад. Тақдири интихоботро раъйи интихобкунандагон ҳал мекунад, ки зиёда аз чор миллионро ташкил медиҳад. Дар ягон ҳолат як ҳизби сиёсӣ тақдири интихоботро ҳал карда наметавонад»,-таъкид кард ӯ.
Шӯрои сиёсии Ҳизби сотсиал-демократи Тоҷикистон шоми 31 октябр интихоботи президентии шашуми ноябрро бойкот карда, ғайриқонунӣ эълон намуд. Дар пайи он, Мирҳусейн Назриев, раиси ҷиноҳи ғайрирасмии Ҳизби сотсиалисти Тоҷикистон низ бо нашри баёнияе гуфт, интихоботи президентиро таҳрим кардааст. Аз ин пештар, Ҳизби наҳзати исломии Тоҷикистон гуфта буд, аз иштирок дар интихобот худдорӣ менамояд, вале он маънои бойкотро нахоҳад дошт.
Интихоботи президентии Тоҷикистон шашуми ноябр баргузор мешавад. Кумисюни марказии интихобот номзадии шаш нафарро расман сабтином кардааст, ки барои дарёфти курсии раёсати ҷумҳурӣ талош доранд. Дар оғоз Иттиҳоди нерӯҳои ислоҳотхоҳи Тоҷикистон, ки Ҳизби наҳзати исломӣ ва Ҳизби сотсиал-демократ шомили онанд, номзадии Ойниҳол Бобоназароваро ба мақоми президентӣ пешбарӣ карда буданд. Аммо ба қавли мақомот онҳо 210 ҳазор имзои заруриро ба тарафдории Бобоназарова ҷамъоварӣ накарда ва ба Кумисюни марказии интихобот ҳам пешниҳод нанамудаанд.
Хонум Бобоназарова яке аз рақибони аслӣ ва ҷиддии Эмомалӣ Раҳмон дар интихоботи 6 ноябр дониста мешуд. Вале бо канор рафтани ӯ аз сабқати интихобот зоҳиран майдон холӣ ва оқои Раҳмон бидуни рақиби ҷиддӣ мондааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
