Русский  >>  فارسی  >>  Панҷшанбе 8 декабр 2016, 19:03

Рашид Раҳимов, мураббии тоҷик, ба назди Рамазон Қодиров рафт

3 ноябр 2013, 08:53

Рашид Раҳимов, мураббӣ ва яке аз футболбозони беҳтарини тоҷик аз ин ба баъд дастаи “Терек”-и Чеченистонро машқ медиҳад. Раҳимов, ки дар гузашта сармураббии дастаи “Амкар”-и Перм ва “Локомитив”-и Русия ба шумор мерафт, ба хотири бастани шартнома бо тими “Терек” ҳоло дар Чеченистон қарор дорад.

Ба иттилои расонаҳои русӣ, мураббии тоҷик алакай бо Рамазон Қодиров, президенти клуби футбол ва ҳамзамон раисиҷумҳури Чеченистон, вохӯрӣ анҷом дода, қарор аст, дар наздиктарин замон шартнома миёни ҷонибҳо ба имзо расад.

Симати сармураббии дастаи “Терек”-и Чеченистонро то ин дам Юрий Красножан, мураббии рус бар дӯш дошт, ки ибтидои ҳафтаи гузашта ба истеъфо фиристода шуд. Рашид Раҳимов, ки 48 сол дорад, яке аз футболбозони машҳури тоҷик дар замони Шӯравӣ маҳсуб шуда, дар гузашта дар тимҳои футболи мухталиф, аз ҷумла, дастаи “Помир”-и Душанбе, “Спартак” ва “Локомотив” -и Маскав ва “Аустрия”-и Вена ба ҳайси ҳимоятгар ва нимҳимоятгар бозӣ кардааст. Инчунин, ӯ ҳамчун устоди варзиши Иттиҳоди Шӯравӣ шинохта шудааст.

Раҳимов дар ду сабқати дастаи мунтахаби Тоҷикистон бозӣ карда, 4 бор аз тарафи Русия дар бозиҳои тимҳои миллӣ иштирок доштааст. Ӯ аз соли 2006 то 2007 мураббии тими футболи “Амкар”-и Перм буда, аз моҳи декабри соли 2007 то моҳи апрели соли 2009 ба ҳайси сармураббии дастаи “Локомотив”-и Маскав фаъолият кардааст. Рашид Раҳимов ду бор, солҳои 1992 ва 1994, ҳамчун қаҳрамони футболи Русия шинохта шуда, аз ӯ дар феҳристи 33 футболбози беҳтарини Иттиҳоди Шӯравӣ ном гирифтаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бехтарин хабаре ки дар рузхои охир хо

ндам. Ба ин бузургмарди точик барори кор мехохам
Посух додан
  • hisor

  • 5 ноябр 2013 12:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
in rashidash tojikmi?charo ba tojikiston nameoyad?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!