Русский  >>  فارسی  >>  Сешанбе 6 декабр 2016, 10:47

Маханов -- муттаҳам ба таркондани Душанбе гуфтааст, вакил надорад

4 ноябр 2013, 11:13

Баҳси парвандаи “як гурӯҳи муташаккили мусаллаҳи террористӣ” ба раҳбарии Алимурод Маханов, ки ба қавли мақомот қасди таркондани Душанберо доштанд, рӯзи 30 декабр баргузор хоҳад шуд. Дар ин бора ба “Озодагон” Мавлудҷон Салихов, вакили мудофеи Сорбон Каломов, яке аз аъзои ин гуруҳ хабар дод.

ҲАДАФ -- ИНТИХОБОТ?

Оқои Салихов гуфт, ин масъала рӯзи 1 ноябр дар боздоштгоҳи муваққати Кумитаи амнияти миллӣ бо ҳузури Нуралиев -- додраси Додгоҳи Исмоили Сомонӣ, Зафар Раҳмонов -- намояндаи додситонӣ ё айбдоркунандаи давлатӣ, Зафар Назаров -- муфаттиш ва худи боздоштшудаҳо баррасӣ шудааст. Вакили мудофеъ мегӯяд, аз рӯи нақша тафтишоти пешакӣ бояд то 4 ноябр ба поён расида, парванда ҳам ба додгоҳ ирсол мешуд. “Аммо ба далели ин ки тафтишот ҳанӯз ба поён нарасидааст, муфаттиш дархост кард, то мурофиа ду моҳ ба таъхир гузошта шавад”,-афзуд ӯ.

Мавлудҷон Салихов дар идома гуфт, дар сӯҳбате, ки рӯзи 1 ноябр дар Боздоштгоҳи муваққати Кумитаи амнияти миллӣ баргузор шуд, Алимурод Маханов, маъруф ба “Устод Муродуллоҳ” ва Сироҷиддин Қараев гуфтаанд, то ҳол бо вакили мудофеъ таъмин нашудаанд.

Алимурод Маханов баъд аз боздошташ дар як намоиши телевизионӣ гуфта буд, ҳадафи онҳо тарконидани баъзе иншооти Душанбе, аз ҷумла бинои Кумитаи амнияти миллӣ дар арафаи интихоботи президентӣ ва “шикастани сохтори давлатии Тоҷикистон” буд. Ба гуфтаи Маханов, ӯ соли 2011 ба узвияти Ҳаракати исломии Узбакистон шомил шуда, раҳбарии гуруҳи ҳаштнафареро, ки муташаккил аз шаҳрвандони Туркия, Қирғизистон ва Узбакистон мебошад, бар зимма доштааст.

Мақомот мегӯянд, Алимурод Маханов то замони боздошташ дар ҳудуди шаҳри Душанбе чандин таркишҳорео анҷом дода, аз ҳуҷраҳои ба иҷора гирифтаи аъзои гуруҳ аз кӯчаҳои Фучик ва Неъмат Қарабоеви Душанбе ду таппончаи тамғаи Макаров бо тирдон, адабиёти динӣ-ифротӣ, нақшаҳои тарзу усули омода ва таркондани маводҳои тарканда, сару либоси ҷангӣ, ноқилҳои гуногун ва камарбандҳои интиҳорӣ низ ёфт шудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Tojik az Dushanbe

  • 4 ноябр 2013 12:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Умуман Маханов ва дигар аъзоёни ин гурухро бояд ба муддати на кам аз 35-сол хабс намоянд. Чунки онхо ба оромиву осоиштагии Точикистони азизи мо халал ворид кардани хастанд. Ва дигар Узбакхоро аз вазифахои давлати бояд дур намоянд. дар хамин нохияи Рудаки кадом муассисаи давлати ки рави хама узбакхо дар сари вазифа вале точикони худамон бекорр.!!!
Посух додан
  • Uzbak

  • 4 ноябр 2013 22:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ba-Tojik az Dushanbe.

Barodar man gumon doram shumo Tojik nested. Shoyad shumo "jugi" boshed. Hamai onho dar Tojikiston tavallud shudand Tojikand va barobarhukukand
Посух додан
  • tojik

  • 18 ноябр 2013 12:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
чавоб ба UZBAK
хамин Махановам ба фикрам дар Точикистон тавалуд шудаги, ман на чугиям на узбак балки точики асилам ва ба чунин хиёнаткорон нафрат дорам.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!