Русский  >>  فارسی  >>  Шанбе 3 декабр 2016, 14:36

Писари раиси дастгоҳи Маҷлиси Миллӣ дар садамае ҷон бохтааст

4 ноябр 2013, 14:39

Парвиз Кабиров-и сисола, писари Мизроб Кабиров, раҳбари дастгоҳи Маҷлиси Миллӣ, маҷлиси болоии парлумони Тоҷикистон, дар садамае дар наздикии Театри ҷавонони шаҳри Душанбе ҷон бохтааст.

Як манбаъ дар Бозрасии Давлатии Автомобилӣ ё ГАИ дар сӯҳбат ба “Озодагон” гуфт, ин садама шоми 3 ноябр иттифоқ уфтода, се кушта бар ҷой гузоштааст. Вале, ба гуфтаи ӯ, рӯшан нест, писари Мизроб Кабиров оё дар сари фармони мошин буда, ё на. Манбаъ дар идома афзуд, ҷузъиёт ва иллати рух додани ин садамаи нақлиётиро гуфта наметавонад, чун шарҳи ин иттилоъ ба ӯҳдаи Вазорати умури дохилӣ вогузор шудааст.

Ин дар ҳолест, ки Шавкат Саидов, сухангӯи Маҷлиси Миллӣ дар як тамоси телефонӣ хабари марги писари Мизроб Кабировро тасдиқ кард. Вале ӯ ҳам гуфт, “моро ба ҷаноза хабар карданд, аммо нагуфтанд, сабаби марги писари Кабиров чӣ будааст.” Парвиз Кабиров фориғуттаҳсили яке аз донишгоҳҳои Чин буда, дар Вазорати умури хориҷии Тоҷикистон, шӯъбаи консулӣ, кор мекард.

Худи Мизроб Кабиров се соли пеш ба мақоми раиси дастгоҳи Маҷлиси Миллӣ интихоб шуд. Вай дар гузашта ба ҳайси муовини раҳбари Кумисюни марказии интихобот ва раъйпурсии Тоҷикистон кор кардааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Mawlan

  • 4 ноябр 2013 15:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Инно лиллахи в инно илайхи рочеун. Худованд хамаи фавтидагонро рахмату магфират кунад.

Аз бародароне ки мошин меронанд хохишу илтимос шитоб накунанду коидахои харакати рохро риоя намоянд.

Барои мисол аз хатти стоп заррае убур накунед вакте ки чарогак сурх аст. пеш аз пешеход ва дар болои пешеход зинхор манъ накунед. феъли шайтонии гуруру такабурро якчо гузошта бо хурмат бошед нисбате хама, гарчанд ки мошини киммат дореду медонем ки сумдор хастеду тагадор.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
худо рахмату махфираташ кунад ба сари хар банда меояд марг хушер бошед
Посух додан
  • Зиштхуй Душанбе

  • 4 ноябр 2013 17:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Инно лиллахи в инно илайхи рочеун. Худованд хамаи фавтидагонро рахмату магфират кунад. Аз шунидам сабаби садама ва марги ин чавонмардон бо суръати бенихоят баланд харакат кардани автомашина будааст, ки дар натича ронанда аз камтачрибаги ва суръати баланд аз ухдаи идораи автомашина набаромадааст. Агар аз руи суръати мукарраршуда харакат мекарданд, ба ин садама дучор намешуданд. Харчанд, ки дар такдирашон хамин будааст. Худои таъоло бо ин садама ба дигарон нишон дода истодааст, ки бо суръати баланд харакат карда худоро фаромуш накунед.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!