Русский  >>  فارسی  >>  Панҷшанбе 8 декабр 2016, 01:10

Ҳамлаи миллатгароёни рус ба муҳоҷири тоҷик дар қатори барқӣ

5 ноябр 2013, 11:58

Иттиҳоди ҷавонони Тоҷикистон дар Русия мегӯяд, бегоҳи 4-уми ноябр боз як ҷавони муҳоҷири тоҷик, ҳадафи ҳамлаи миллатгароёни рус қарор гирифт.

Иззат Амон, раҳбари Иттиҳоди ҷавонони Тоҷикистон дар Русия, ба “Озодагон” гуфт, миллатгароёни рус дар истгоҳи Раменскои Маскав дар дохили қатораи барқӣ (электричка) ба Комил Файзов, муҳоҷири 37- солаи тоҷик ҳамла намуда, се маротиба бо корд задаанд: “Шоҳидони ин ҳамла ба мо гуфтаанд ки 5-6 ҷавони рус бо доду фарёдҳои миллатгароёна дохили қатора шуда ба ҷониби Комил рафта ӯро бо корд задаанд. Баъдан занҳои рус ин муҳоҷири тоҷикро аз дохили қатора берун бароварда, ба беморхона мебаранд.”

Иззат Амон мегӯяд, ин муҳоҷири тоҷик шӯъбаи эҳёгарӣ (реанимация) қарор дошта, вазъи саломатияш вазнин арзёбӣ мешавад. Раиси Иттиҳоди ҷавонони Тоҷикистон мегӯяд, дар Русия вазъ нигаронкунанда боқӣ мемонад.

Дар ҳамин ҳол Муҳаммад Эгамзод, сухангӯи сафорати Тоҷикистон дар Русия ба “Озодагон” гуфт, ки вазъ дар Маскав ором буда, аз ҷониби шаҳрвандони тоҷик ягон муроҷиате ба онҳо нарасидааст: “Бо назардошти он, ки се рӯз дар Русия истироҳат буд, бисёре аз корхонаҳову ширкатҳо таътил доштанд. Дар ин миён, шаҳрвандони мо низ таътил доштанд ва аксарият бо назардошти вазъият ва роҳпаймоиҳои "Русский марш" аз гаштугузори беҳуда дар кӯчаву хиёбонҳо худдорӣ намуданд”.


Шарҳи худро бинависед:

Ном:*
E-Mail:
Матни шарҳ:
Посух додан
  • 16

  • 5 ноябр 2013 14:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамин Эгамзоду хамкоронаш хайкаланд дар ончо? Мухочирро корд заданду у мегуяд хамаш тенчай. Маълум аст, ки аз утоки гармакаки корияш берун намебарояд.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!