Русский  >>  فارسی  >>  Ҷумъа 9 декабр 2016, 16:35

Тафтиши дӯкони китобфурӯшии раиси ҲНИТ дар ноҳияи Ашт

5 ноябр 2013, 11:58

Нуқтаи фурӯши китоби марбут ба Шавкат Шарифов, раиси дафтари Ҳизби наҳзати исломии Тоҷикистон (ҲНИТ) дар ноҳия Ашт, аз сӯи мақомоти интизомӣ ва санитарию эпидемеологӣ мавриди тафтишу бозҷӯӣ қарор гирифтааст.

Шарифов дар суҳбат бо “Озодагон” гуфт, чанде қабл кормандони шуъбаи умури дохилӣ, додситонӣ ва маорифи ноҳия ба дӯкони ӯ ворид шуда, китобҳои дарсии ба фурӯшгузоштаашро мавриди тафтиш қарор додаанд ва номгӯи чанд адади онҳоро ба қайд гирифта рафтаанд.

Ба гуфтаи раиси дафтари ҲНИТ дар ноҳияи Ашт, ин иқдом гӯиё ба хотири таъмини ҳифзи ҳуқуқи муаллифон ва ғайриқонунӣ ба табъ расонидани китобҳо мебошад: “Ҳангоми муроҷиати ман ба додситонии ноҳия, онҳо гуфтанд, китобҳои Шумо ба адабиёти шубҳанок монанд мебошад, ки бархе аз ашхос сарфи назар аз маҳфуз будани ҳуқуқи муаллиф чоп карда, ба савдо мебароранд ва мо бояд ин масъаларо тафтиш кунем”.

Шарифов мегӯяд, инчунин ба мағозаи ӯ кормандони Хадамоти санитарию эпидемеологӣ низ ташриф оварда, дар пайи тафтишоти хеш бо худ аз 8 намуди китобҳои дарсӣ 15 адад бурдаанд. Раиси дафтари ҲНИТ гуфт, масъулони хадамоти мазкур ҳадаф аз бурдани ин китобҳоро чунин арзёбӣ кардаанд: “Масъалаи санитарии ин китобҳо бояд санҷида шаванд, ки оё ҳуруф ва коғази онҳо ба саломатии донишомӯзон зарар надорад?”

Вале ба қавли Шарифов, Маркази Хадамоти санитарӣ-эпидемологии ноҳияи Ашт азбаски барои санҷидани ин китобҳо таҷҳизоти лозимаро надоштааст, гуфта, ки ин китобҳоро ба маркази вилояти Суғд мефиристанд, то дар онҷо аз ташхис гузаранд.


Шарҳи худро бинависед:

Ном:*
E-Mail:
Матни шарҳ:
Посух додан
  • janobl iks

  • 5 ноябр 2013 12:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Sharmandagiyu beaklivu besavodiro bined!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ачиб,чаро аз дигарона не?Худованд окибата нек кунад!охир ин косаи сабр лабрезшави дорад,баъд дер мешавад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!