Русский  >>  فارسی  >>  Панҷшанбе 8 декабр 2016, 05:09

Пулиси Русия ҳамла ба қатори Тоҷикистонро "айб"-и роҳбалад гуфт

5 ноябр 2013, 13:05

Мақомоти пулиси Русия дар ҳамла ва сангпартоӣ ба сӯи қатори Тоҷикистон, ки рӯзи 26-уми октябр сурат гирифт, роҳбалади тоҷикро муттаҳам медонад.

Тавре расонаҳои Русия аз қавли мақомоти пулиси Варонеж менависанд, айни ҳол ноболиғони дастандаркори ҳамла ба қатори Тоҷикистон боздошт шудаанд, ки аз 15 то 18 сол доранд. Пулиси Варонеж дар пайи таҳқиқи ҳодиса муайян намудааст, ки ин қазия хусусияти миллатгароёна надошта, барои сар задани он роҳбалади қатори Тоҷикистон мусоидат кардааст: “Роҳбалад дархости ноболиғонро, ки хостаанд, барои ба роҳи дигар гузаштан, дари қаторро кушоянд, иҷро накардааст. Ноболиғон хостаанд, ба роҳи дигар, ки қатори шаҳрӣ он ҷо меистодааст, гузаранд.”

Қаблан хабар дода мешуд, ки шаби 26 октябр гуруҳи беш аз 20-нафараи афроди номаълум, бо симои славянӣ ва шиорҳои миллатгароёна ба қатори самти Маскав-Душанбе ҳамла намуданд, ки дар натиҷа мусофирон ҷароҳатҳои гуногун бардоштаанд. Сафорати Тоҷикистон дар ҳол аз он нигаронӣ кард, ки пулиси маҳаллӣ ва кормандони роҳи оҳани Русия, ки зимни ин ҳамла дар ҷои ҳодиса ҳузур доштаанд, ягон аксуламале нишон надодаанд, то аз ин шабохун ҷилавгирӣ шавад.

Масъулони ширкати Роҳи оҳани Русия гуфтаанд, ҷуброни тамоми зиёнеро, ки дар пайи ҳамла ба қаторҳои Маскав-Душанбе ва Маскав-Хуҷанд расидааст, пардохт хоҳанд кард.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!